Lafaek news—Programa konservasaun bee ne’ebé Organizasaun Noun-Governamentál Permakultura Timor Lorosa’e (PERMATIL), hala’o iha aldeia Lakufoan suku Kosta, postu Pante-Makasar hetan apresiasaun husi populasaun Oe-Cusse tanba bee matan hirak ne’ebé maran kleur ona komesa moris hikas.
Joanina M.A.Teme Hanesan partisipante haktuir programa Permatil ne’e importante tebes, tanba husi akampamentu Permatil bele fo atensaun ba komunidade sira oinsá atu bele kuidadu be matan sira labele maran.
“Hau mai iha ne’e atu tuir programa permatil nian ne’ebe mak sei hala’o Durante semana Ida iha ne’e,” partisipante PERMATIL, Joanina Teme.
Joanina senti kontente tebes bele tuir programa Permatil nian, husi programa ne’e hetan treinamentu kona-ba halo travasaun kadalak, konservasaun be no agrikultura, iha treinamentu iha teoria no prátika halo travasaun kadalak iha foho lolon, konservasaun be no agrikultura.
“Esperensia ne’ebé ha’u hetan husi akampamentu Permatil nian, Ha’u sei fila ba implementa fali iha ami Nia suku, sei kordena husi ho xefe suku xefe aldeia no lia nain sira hamutuk ho komunidade hodi bele servsu hamutuk atu nune’e, bele konserva be matan sira ne’ebe maran on abele moris fila fali,” dehan Joanina
Ikus liu partisipante ne’e ne’e agradese tebes ONG Permatil Eugenio Lemos ne’ebe loke ona akampamentu Permatil nian iha munisipiu Oe-Cusse, hanorin ona juventude feto mane no inan-aman sira hatene ona oinsá kuda bee matan.
Jornalista : Mateus F. de Deus
Editor : Agapito de Deus
