Lafaek News—Sentru Formasaun Program Development For The Future (PDF), sesta (08/09/2023), entrega sertifikadus ba formandus ne’ebé tuir formasaun lian Korea hamutuk ema 616.
Diretór ezekutivu Sentru Formasaun Program Development For The Future (PDF), Fabriano Gusmão, afirma sertifikadu ne’e distribui ba joven sira ne’ebé tuir ona formasaun durante fulan 6 iha sentru formasaun PDF.
“Objetivu ohin loron nian mak distribuisaun sertifikadu ba programa lian korea nian ne’ebé sira tuir ona formasaun durante fulan 6 no sira ne’e husi etapa primeiru nian husi tinan 2023, total formandus sira ne’ebé agora simu sertifikadu ne’e hamutuk 616,” Fabriano Gusmão ba jornalista iha sesta semana ne’e.
Sentru formasaun Program Development For the Future (PDF) hahú loke nia programa ho formasaun lian Korea nian iha tinan 2021 hodi fasilita joven sira tuir formasaun atu bele ba servisu iha rai liur hodi alkansa sira nia mehi no fó benefisiu di’ak ba sira nian an rasik iha futuru oin ma,i atu nune’e joven sira labele halo komflitu iha fatin-fatin atu bele tane as bem komún no espíritu nasionalismu
PDF fasilita ona joven hamutuk 147 kompostu husi feto 5 no mane 144 no iha tinan 2022, sentru formasaun PDF rejistu tan joven hamutuk 549 kompostu husi feto 33 no mane 516 no iha tinan ida ne’’e númeru formandus sa’e ba 1197, no da-daun sira ne’ebé pasa ona iha ezame husi área fábrika hamutuk 34 no peskas nian provizoriamente pasa ona 41.
Jornalista : Julio da Conceição
Editor : Agapito de Deus
