Lafaek News—Susar ho terus ne’ebé mane faluk no defisiénsia Adriano Melo Soares nian hetan ona kmaan hosi grupu trailer Timor Leste hodi hamenus todan ne’ebé aman faluk ne’e hasoru.
Nakait ho notisia ne’ebé publika iha lafaek news ho titlu Balada Fuik-Lian Hamaluk Defisiensia Adriano Iha Hadak Fohuk-Leten Tinan 4, publika loron 26 Jul 2023,12:03 (OTL), hafanu juventude sira ne’ebé halibur an iha Motor Trailer Timor Leste, tau osan hamutuk hodi sosa nesesidade hanesan, foos, mina, kulixaun, sumasu no muskiteiru lori ba oferese ba faluk Adriano Melo Soares iha aldeia Kolau Um, suku Dare munisípiu Dili. Notisia antes : https://www.lafaeknews.tl/balada-fuik-lian-hamaluk-defisiensia-adriano-iha-hadak-fohuk-leten-tinan-4/
Reprezentante ekipa Motor Trailer Timor Rio, haktuir, nia parrte asesu informasaun kona-ba aman faluk Adriano liu husi nútisia media Lafaek news, haree tiha informasaun ne’e, membru sira kontaktu malu kedan halibur osan hamutuk hodi sosa nesesidade lori ba tulun mane faluk ne’e.
“Bainhira ami hetan imformasaun ne’e husi media lafaek news ami grupu motor trailer kontaktu ba malu kedas, ami organiza malu hodi soe osan rahun ruma hamutuk hodi hola sasan sira ne’ebe mak apa ne’e presiza, ami hola hotu ami kontaktu mos kolega jornalista sira husi media lafaek news hodi bele lori ami mai to iha fatin ne’e, no ami nia ajuda ne la boot liu hanesan governu maibe ajuda tuir buat ne’ebe mak ami iha ami ajuda tuir dei’it notisia katak pai ne’e toba dei’it iha hadak leten entaun ami hola dei’it biti, kulisaun, sumasu, muskateru, pois hovsasan nesesidade baziku seluk ne’ebe hau la temi naran tuir ami nia kbi’it ne’ebe iha,” Reprezentante Motor Trailer, Rio ba lafaek news foin lalais.
Iha sorin seluk kbi’it laek Adriano Melo Soares, agradese tebes ba Grupu motor Trailer Timor ne’ebe ho fuan boot hodi ajuda hakman terus ne’ebe durante hasoru
“Ha’u agradese tebes ba Grupu Trailer Timor ne’ebe ohin hakat too mai iha ha’u nia fatin rai fuik maran ida ne’e hodi ajuda ona ha’u, hodi apoiu sasán sira ne’e ba Ha’u durante tinan naruk tebes ha’u toba dei’it iha hadak leten mos, maibé ohin ha’u agradese ba grupu ne’e, tanba bele sosa kulixaun biti sumasu muskéteiru no sasan seluk tan, ho ajuda ida ne’e bele tulun ha’u hodi toba ho di’ak, ha’u laiha buat ida atu fo ba imi, ha’u reza dei’it ba Maromak atu bele tulun oan sira servisu hotu la’o ho diak,” lian husi mane faluk Adriano.
Ikus Liu Adriano Melo Soares, mos agradese tebes ba media online Laafaek News ne’ebe Mak to iha fatin rai fuik maran ne’e hodi foti informasaun kona-ba Adriano nia kondisaun moris nian dala ida tan, agradese ba oan sira husi media online Lafaek News.
Jornalista : Mateus F. de Deus
Editor : Agapito de Deus
