Lafaek News-Polísia Repúblika Indonézia (POLRI), NTT Atambua reintrega Timor-oan hamutuk 113 husi Grupu Arte Marsial ne’ebé hakat liu dalan illegal ba Atambua hodi kesi sabuk
Timor-oan hamutuk 113 deskonfia envolve iha arte marsial PSHT ne’ebé liu dalan nakukun atu ba sa’e sabuk iha NTT, konsege hakat tama liu Atambua hafoin POLRI halo kapturasaun, tanba laiha pasaporte legal, maibé Sentru Integradu Jestaun Krize (SIJK), prepara ona fatin ba sira atu kumpri kuarentina durante loron 14.
Pontu Fokal Entrada, Superintendente Polisia Emilio dos Santos, sidadaun sira nee liu iha dalan ilegal hodi ba hasa’e sintu iha atambua infonesia, mak Polisia Republik Indonesia kaptura tiha sira ohin entre fali membru GAM PSHT mai Timor-Leste.
“Imigrasaun indonesia, POLRI no mos sira husi kabupaten Belu nian sora mak mai entrega ita nia joven sira nee, Estadu prepara tiha ona fasilidade ba sira hanesan baibain trata ita nia sidadaun maske sira mai liu husi dalan ilega maibe ida nee estadu nia responsabilidade ba ninia sidadaun,” dehan Pontu fokal Entrada Emilio ba Jornalista iha Fronteira mota-ain Bobonaru, tersa 10/08/2021.
Emilio relata, hanesan baibain sidadaun neebe husi estranjeiru tama mai Timor estadu iha obrigasaun no tuir regras neebe estabelese ona tenke tama kuarentina, depois mak entrega ba parte Polisia Nasional Timor-Leste (PNTL), hodi tuir prosesu oin mai.
“POLRI ho Imigrasaun Indonézia entrega mai ita depois lori sira ba iha kuarentina hodi supmete ba kuarentina nunee ministeriu saude bele kontrola, Oinsa sala situasaun bele jere lori ita nia joven neebe ilegalmente hakat ba ema nia rai nee,” nia esplika.
Nia deklara, Membru GAM PSHT nee hotu mai husi munisipiu ketak ketak balu husi munisipiu Baukau, Bobonaro, likisa no mos munisipiu Kovalima, hafoin sira kumpri hotu katorze dias iha kuarentina sei intrega fali ba PNTL hodi tuir prosesu tuir mai.
Entretantu informasaun ne’ebé Lafaek News rekoilla husi terrenu sita, membru Grupu Arte Marsiais ne’ebé tama illegal Polisia Repúblika Indonézia entrega ba estadu Timor Leste hamutuk 113 joven feto no mane inklui katuas balu mos inklina aan hotu iha GAM PSHT hodi ba tuir serimonia sae sintu iha indonesia liu husi dalan ilegal.
Jornalista : Orlando Magno
Editór : Agapito de Deus
