Lafaek News- (Lautem)-Polísia Nasionál Timor Leste (PNTL), munisípiu Lautem, direrasaun servisu komunitáriu konsolida nesesidade hamutuk ho Fundasaun Ázia hodi tulun povu kbiit laek uma kain hamutuk 25 ne’ebe krize nesesidade moris.
Komandante PNTL Munisípiu Lautém Superintende Polísia, António Fernandes, ba jornalista sira iha komandu Lautem kuartu feira ohin (26/01/2022), hateten, PNTL nu’udar seguransa ba povu tenke fo mós bem star ba komunidade liu husi ajuda nesesidade uma laran nian.
Ajuda kbiit laek sira ne’e la’ós PNTL mak ajuda maibé apoiu husi ita nia parseriu dezenvolvimentu sira liu-liu the Ázia fundesion, ajuda ne’e fo relasiona iha tinan kotuk inundasaun ne’ebé mak afeta ba ita nia komunidade sira tanba ne’e liu husi konsellu seguransa ba Munisípiu sira ami mós ba husu sira mós aseita ita nia pedidu Novembru tinan kotuk sira lori hela sasán ne’e mai ami okupadu ho seguransa tanba ne’e ohin hamutuk ho administrador Munisípiu distribui sasán hirak ne’e ba ita nia komunidade kbiit laek sira,’’ katak Antómio Fernandes.
Hodi dehan, sasán hirak ne’ebé PNTL fo ba ema kbiit laek sira ne’e mak hanesan foos saka 2, mina kaixa 1, suprimie kaixa 2, kulixaun 2, sumasu rua no sasán nesesidade sira seluk totál item hamutuk 15 mak oferese ba família kbiit laek sira ne’e kada uma kain.
Iha fatin hanesan, Agustino Lopes nu’udar benefisiáriu sente kontete ho sasán sira ne’ebé PNTL Lautem oferese ba sira bele hatutan ona moris loro-loron.
Ha’u obrigadu barak ba PNTL Lautém tanba bele fó tulun ona ha’u liu husi nesesidade bajika hirak ne’e bele tulun ona ha’u iha ha’u nia moris,’’dehan Agustinho.
Observasaun lafaek news nota partisipa iha distribuisaun nesesidade bázika ne’e administradór Munisípiu Lautém Domingos Savio, ho komandu PNTL Lautem entre nesesidade báziku simbolikamente iha resintu PNTL munisipiu Lautem, tuir fali mai sira sei ba to uma hodi fahe ba kada uma kain.
Jornalista : CE. Lautem
Editor : Agapito de Deus
