Lafaek News–Komunidade suku Manleuana ezije governu atu hadia barajen iha aldeia 4 kompostu husi Laulora, Manleuana, Mauk no Mane-Mesak atu evita inundasaun sobu populasaun sira nia hela fatin.
Asuntu ne’e hatoo husi vítima inundasaun Joana da Costa ba lafaek news iha aldeia Laulora suku Manleuana iha loron 24 fulan Janeiru foin lalais.
Joana Da Costa hateten, haktuir relasiona udan boot iha loron 4 fulan Abril 2021, inundasaun rezulta komunidade hela fatin barak iha aldeia 4 ne’e hetan estragus hotu, tan ne’e husu governu atu hadia lalaos barajen ne’e hodi evita komunidade sira hushi risku dezatre natural.
Husi governu favor ida mai hadia ona mota ne’e atu ami bele hakmaek iha tempu udan,’’ katak Joana da Costa.
Iha Sorin seluk, vítima Luciana soares aldeia hanesan, afirma katak desastre tenke hotu ona ba loron 4 Abril 2021, labele repete tan iha tinan 2022 nian, tanba populasaun sira iha suku Maneluana ne’e sofre liu ba lalubur (inundasaun) ne’e.
Ami nuudar komunidade husu ba Governo atu hare kona-ba Saluran tanba Inundasaun afeitadu tebes ba komunidade sira nia uma iha loron 04 Fulan Abril iha Tinan 2021, Ami nia sasan uma rahun sasan uma laran mota lori hotu,’’ afirma Luciana.
Vítima inundasaun sira husu ba governu atu hadia lalais barajen Manleuana nian nune’e bee la’o tuir nia dalan labele lori risku ba komunidade sira nia uma.
Estajiada : Teresinha Ribeiro
Editor : Agapito de Deus
