Lafaek News--Xefe Estadu Maior Jenéral Forsas Armadas (XEMFA), Tenente Jeneral, Lere Anan Timur, hatoo parabens ba lider karizmátiku Kay Rala Xanana Gusmão bele fo konfiansa ba José Ramos Horta kandidata an iha Eleisaun prezidensiál períodu 2022-2027, máß ladun furak bainhira lider sira seluk ne’ebé uluk sira trasa nasaun nia destinu la hamutuk.
Parabens ba lider Kai Rala Xanana, tanba bele fo konfiansa ba José Ramos Horta, bele kandidata an ba elelisaun prezidensiálm más ladun furak bainhira líder sira seluk ne’ebé uluk sira hamtuk trasa nasaun nia destinu la hamutuk”, dehan Tenente Jeneral Lere Anan Timur ba jornalista sira hafoin enkontru semana ho xefe estadu Francisco Guterres Lú Olo, iha Palásiu Prezidensiál Bairu-pite, kuarta (26/01/2022).
Lere hateten, hanesan bai-bain hatete ukun ne’e la difisil atu sai Presidente ka saida ka, naran hamutuk, hamtuk ne’e buat hotu sei sai di’ak.
https://lafaeknews.tl/lere-hau-fiar-povu-sei-fo-bensaun-laos-hanesan-maun-boot-sira-fo-bensaun-malu/
Lider sira ne’ebé mak lori funu ba ukun an ne’e kompletu karik furak tebes tebes, hanesan José Ramos Horta, lider Kay Rala Xanana Gusmão, Mari Alkatiri e depois mak ami sira ne’e hamrik iha kotuk karik furak tebes- tebes ba rai Timor, kuandu ami mak hanesan ne’e imi lalika laran taridu Timor sei la’o ba oin nafatin ita riku,’’katak Lere Anan Timur.
Jornalista : Rita Moniz
Editor : Agapito de Deus
