Lafaek News- komandante PNTL Munisípiu Lautém husu ba media no Jornalista sira atu servisu ho Imparsial ba Publikasau Media husi Lokal to’o Nasional, tanba Media maka bele hatutan lian husi Municipiu to’o Nasional hodi ema hotu bele hatene situasaun saida deit maka akontese iha Municipiu Lautém.
“ husi loron mundiál liberdade imprensa no espresaun hau kongratula jornalista no media nain sira no husu atu servisu imparsial hodi hatutan lian laek sira ba publiku” dehan komandante PNTL Munisípiu Lautém superintendente António Rego Fernandes ba lafek News iha nia knar Fatin Segunda ( 03/05/2021 )
Komandante ne’e hatutan, Jornalista sira iha Munisípiu to ba nasionál imi nia servisu makas hodi hadaet informasaun iha lokál ba nasionál sai mós matan no tulun ba ema sira ne’ebé kbiit laek sira.
“Ba média hotu-hotu iha Munisípiu ida ne’e, ita nia kooperasaun ne’e di’ak tebes, husu nafatin korajen hodi halo kobertura iha fatin ne’ebé deit no tempu saida de’it para atu pronaunsia ita nia lian laek sira ba iha nasionál ho mos internasionál atu parte kompetente bele hatene kona ba lalaok no situasaun atual iha suku no aldeia,husu atu korajen nafatin hodi akomapnia no foti informasaun sira kona ba evolusaun sira kona ba covid19 iha Munisípiu to ba nasional atu nune ita nia populasaun hotu bele livre husi covid19 ne’e.” Dehan Superintende polísia António Rego Fernandes
Superintende polísia António Rego Fernandes, sujere mós ba média no jornalista sira atu servisu ho imparsial servisu tuir kode etika jornalismu nian hodi lable halis ba partidu polítiku ida maibe nafatin hanesan ema independente hodi transmite informasaun ne’ebé los no justu ba ema hotu.
Joranlista : CE.Lautem
Asisnten Editor : Pedro de Almeida
