Lafaek News—Komunidade aldeia Lemorana,Carla Soares De Araujo observa katak Jornalita sira ne’ebe halo knar a’an iha media, nia publikasaun ne’ebé nia asesu maioria husi politika sira maibé kona-ba povu bai bain nia preokupasaun jornalista sira la buka tuir hodi fo sai loron loron maibe fo sai loron maka Politiku sira mak barak liu .
“Ha’u hatene katak jornalista iha Timor ne’e barak maibé la kreativu tanba saida mak la kreativu, tanba povu barak iha problema maibé jornalista sira la buka povu nia terus no susar, maibe fo liberdade ba politikus sira koalia barak liu iha media tanba ne’e hau husu Jornalista sira profesionál no kreativu hodi buka informsaun saida de’it, liliu povu nia preokupasaun barak liu diak liu ,” husu Carla Soares, ba Lafaek News , segunda, (03/05/2021).
parte seluk Komunidade, Carla Soares mos hato’o votus parabens ba loron Liberdade Imprensa no Jornalista Timor Lorosa’e hotu ne’ebé servisu makas hodi partilla informsaun tenke hatudu profesionalidade hodi kontribui ba dezemvolvimentu Nasaun nian.
“atu dehan mós ba jornalista tenke servisu ho profesionalidade tanba ami akompania informsaun balun lakontribui ba desenvolvimentu no la edukativu,” dehan estudante husi Universidade Nasionál Timor Leste (UNTL), Fakuldade Edukasaun, Departamentu Lian Portuges, Carla Soares De Araujo ba jornalista lafaek news iha Dare.
Nia informa, papel jornalista nian inportante tebes atu bele eduka sosiedade no hato’o povu nia lian ba governu sira, tan ne’e tenke vontade nafatin atu hala’o knaar hanesan jornalista professional , tanba jornalista maka bele lori informsaun husi povu ba nain ulun no ba mundu.
Jornalista : Sabina Sancha
Asisten Editór : Pedro de Almeida
