Lafaek News—Polísia Nasionál Timor Leste (PNTL), ohin sábadu 13/03/21, kaer toman família uma kain ida hammutuk ema na’in 3, kompostu husi aman-inan no oan, tanba hakat liu dalan foho leten João Paulo II hodi vizita famíia iha Tibar.
Membru polísia (la lakohi temi naran) husi postu Tibar relata, katak horseik sira hasoru duni familia refere la’o tuir foho leten no husu ba familia ne’e argumenta katak sira husi Tasi-Tolu atu fila ba sira nia uma iha Tibár maibé la loos, sira husi Faról atu ba vizita familia iha Tibár no ohin dadeer sira husi Tibár mai fali Tasi-tolu JP, ne’e duni ohin komunidade balu fo hatene PNTL postu Tibár duni tuir mai iha Tasi-tolu kaer kedas submete swab.
“Horseik ami hasoru sira, katak husi Tasi-tolu mak fila ba uma iha Tibár, maibé la’e sira husi Faról mak atu ba vizita familia iha Tibár no ohin dadeer sira husi Tibar mai fali Dili, ne’eduni komunidade balun iha Tibar informa mai ami no ami konsege buka tuir hodi evakua kedas ba halo swab tiha lai,” informa Membru polísia (la temi naran) husi postu Tibár ba Lafaek News molok evakua familia refere ba swab, sábadu (13/03/21).
Membru PNTL ne’e informa, sira tenke lori familia ne’e ba swab lai, tanba da-daun ne’e iha sidade Dili afeta hela covid-19, bainhira iha prosesu swab mak hatudu rezultadu pozitivu, presiza buka tuir ho familia sira ne’ebé sira halo kontaktu fíziku iha Tibar.
Jornalista : Juvita dos Santos
Editora : Nelya Barros
