Lafaek News—Relasiona ho kazu insidente ne’ebé akontese iha aldeia moris foun postu administrativu Dom Aleixo munisipiu Dili lezada ho inisiál ODM hetan tá husi nia eis namorada ho inisial LBB.
Porta voz Komandu Jerál Polísia Nasionál Timor-Leste (PNTL), Superintendente Xefe Arnaldo de Araujo informa, Iha loron 16 fulan Novembru 2020 tuku 09:50 iha aldeia Moris Foun suku Komoro iha akontesimentu insidente ida tanba de’it domin rezulta lezada ida kanek.
“Akontesimentu ne’e suspeitu ho inisiál LBB la satisfas ho vítima nia lia-fuan ne’ebe hasai ko’alia sai katak, lezada lakohi ona nia namoradu rona tiha deklarasaun ne’e suspeitu ho emosaun foti tudik taa vítima nia rentos halo kanek,” haktuir dehan porta voz komandu Jeral PNTL Arnaldo liu husi koferensia pers iha komandu jeral kaikoli dili, tersa 17/11/2020.
Superintendente Xefe Arnaldo relata, da-daun ne’e suspeitu detein hela iha komandu munisípiu Dili hodi hein prosesu investigasaun, no mos lezada halo ona tratamentu iha ospitál maibé da-daun ne’e lezada iha ona nia uma.
Jornalista : Orlando Magno
Editora : Nelya Barros
