Lafaek News—Polísia Nasionál Timor-Leste (PNTL) liu husi reuniaun Konsellu Superior demite hasai membru na’in-ida razaun fundamental la tama servisu (falta) durante loron 120 nia-laran.

Inspetór Jerál Komandu PNTL Superintedente Xefe Carlos Jerónimo hatete, kona-ba prosesu disiplinár ida ne’e tuir lolo’os aplika ba membru na’in rua, maibé na’in ida mak konsege tama iha prosesu demisaun no ida sei pendente tanba faktu balun seidauk klaru.

“kona-ba sira ne’ebé falta servisu, ne’ebé ami ohin konsege hala’o diskusaun, ohin ami ko’alia de’it kona-bá sira na’in-rua ne’ebé halo ba iha prosesu disiplinar nian konabá demisaun, demisaun ne’e iha ida, no ida fali prosesu diskusaun sei pendente,”dehan iha konferensia emprensa, Komandu Jeral PNTL Kaikoli Dili kuarta (26/10/2022).

Tanba regra normal konaba la tama servisu iha instituisaun Ida tuir lolo’os, dala ida ka dala-rua hanesan ne’e, no la bele to’o fali loron 120, maibe iha relatoriu ne’ebé aprezenta iha reuniaun Konsellu Superior, hatudu katak membru na’in rua ne’e ida falta to’o fali loron 120.

“Entaun liu ona normál. ohin aprezenta kazu ne’e mai halo diskusaun, no akontese iha diskusaun ne’e rasik, ida mak liu ba prosesu demisaun no ida seluk sei pendente,”afirma nia.

Prosesu halo demisaun ba membru PNTL ne’ebé la Tuir disiplina instituisaun ninian ne’e konserteza sei hala’o liu husi prosesu ida no parte departamentu jústisa mak sei prepara relatoriu no aprezenta ba konsellu superior, hodi  Konsellu Superior fahe ba membru konsellu superior sira atu hare’e no deside Tuir dalan regras ne’ebé maka iha.

Tanba ne’e  prosesu indisiplinar ne’ebé membru na’in rua komete, ida deit hetan demisaun no ida seluk sei hare’e atu deskute fila fali iha konsellu superior.

Ho desizaun ne’e, komandu jeral PNTL sei halo proposta hodi aprezenta ba Ministériu Interior atu foti desizaun final, hakotu nia

Estajiarida: Adolfina Soares

Editór     : Agapito de Deus