Lafaek News—Diretora Programa Nasionál Dezenvolvimentu Suku (PNDS), Claudinha Soares Pinto, hatete, ekipa tékniku ne’ebé hala’o sosializaun iha nivel munisípiu iha teritóriu laran tomak besik atu konklui.
“Sosializsaun iha nivel munisípiu ami halo tiha kedas iha dia 12 janeiru ba iha territoriu laran tomak, depois sosializasaun munisípiu kontinua kedas ba nivel suku nian, ami nia ekipa sira hotu halo sosializasaun, ami besik konklui hotu ona,” dehan Diretora PNDS Claudinha Soares Pinto, ba lafaek news iha nia knar fatin foin lalais ne’e.
Dretora hatutan, ekipa nasionál fahe ba 12 ne’ebé maka prekore iha timor laran, PNDS mós halo hela planu atu desloka ba Oe-kusse atu halo sosializsaun iha ne’eba, iha objetivu tolu ne’ebé parte PNDS atu hetan iha sosializasaun ne’e rasik.
“Primeiru partilla informasaun programa atividades uma kbi’it la’ek ba komunidade sira liu husi sosializasaun nivel suku nian, segundu forma ekipa ida hodi halo verifikasaun ba komunidade sira nia uma, pois halo halo treinamentu no ekipa ne’e rasik tun direta ba komunidade sira nia leet,” tenik Diretora.
Nia dehan, ekipa sira ne’e apoiu husi fasilitadór munisipiu sira iha territóriu laran tomak no mós ekipa husi nasionál pois ekipa sira nemaka verifika ba ita nia komunidade sira nia uma ne’ebé tama iha lista benefisiáriu.
“Ami halo uluk sosializsaun suku rua ou tolu tau hamutuk pois ekipa hela lidera, balun kontinua sosializsaun uza maneira lahanesan, maibé objetivu ida deit, bainhira remata konitinua kedas ba prosesu verifikasaun iha terrenu, ne’ebé maka lidera husi xefe suku hanesan xefe ekipa atu hare’e kondisaun ri’il husi benefisdiariu ba uma kbi’it laek ne’e rasik,” tuir nia.
Jornalista : Pedro de A./João da C. S.
Editora : Nelya Barros
