Lafaek News—Governu konstitusionál daualuk liu husi Ministériu Saúde, sábadu (13/02/21),  hala’o Inagurasaun ba Izolamentu Tasi -Tolu no Lahane.

“Ita halo serimonia inaugurasaun ba fasilidade Izolamentu rua, izolamentu ida iha Tasi-Tolu ne’e ba kazu lizeiru, esplika Vise Kordenadór Jerál ba komisaun responde Covid-19, iha Ministeriu Saúde, Narsizio Fernandes, ba jornalista sira iha Lahane, Sábadu, (13/02/2021).

Vise Kordenadór ne’e  hatutan, iha izolamentu Tasi-Tolu kompostu husi iha uma rua, kada uma ida iha kama hamutuk 62, maibé iha ida mak kama seidauk kompletu.

“Ekipa sira mós preparadu ona, karik kazu iha ita bele  haruka mós ba iha izolamentu Tasi-Tolu, ne’e izolamentu ba kazu lizeiru,” dehan nia.

Nia relata mós katak, izolamentu Lahane ICU ba iha kazu sira ne’ebé kategoria grave, kazu sira ne’ebé mak grave ne’e ita sei refere mai iha Lahane, no iha Lahane lo-loos ne’e iha kama hamutuk 26, maibé kama ne’ebé mak prontu ona ne’e hamutuk 25 kompletu ho nia ekipamentu saúde  sira kada kama.

Enkuantu nia hatutan, iha Izolamentu Lahane fasilidade Saúde nian kompletu inklui mós Mortuáriu no  da-daun ne’e pesoal saúde sira no ekipa sira prontu ona iha ne’e, ita dehan katak ita prontu atu iha kazu ruma ita bele responde, hakotu nia

Jornalista  : Sandi Belo

Editora      : Nelya Barros