Lafaek News—Kompañia HEINEKEN Timor-Leste liu husi Tiger Street Food (TSF) enkoraza feto Timo-oan sira ne’ebé hala’o atividade negosíu hanesan fa’an sate iha dalan ninin atu kontinua promove di’ak nune’e hamoris negosíu lokál no suporta ekonómia feto hodi sai indenpendente.
Asuntu ne’e hato’o husi Public Affairs Manager kompañia HEINEKEN, Filomena Filipe, iha ámbitu lansametu ba programa HENEIKEN Timor-Leste Suporta Feto ne’ebé fa’an sate iha Dalan ninin, iha fatin Timor Lodge.
“Programa ida-ne’e ami foka liu ba dezenvolvimentu negosíu feto nia ida-ne’ebé sustentavél, hodi haforsa ekonómia feto, suporta negosíu ki’ik no boot, promove kratividade husi feto ne’ebé mak loron-loron faan sate iha estrada ninin hodi suporta sira nia familia,” dehan public Affairs manager Heineken Filomena Filipe afirma ba jornalista sira iha Timor Lodje sesta semana ne’e.
Filomena afirma, durante ne’e kompañia HEINEKEN Timor-Leste indentifika ona maluk feto Timor-Oan hamutuk na’in 12 ne’ebé hala’o atividade negosíu fa’an sate iha estrada ninin no hetan suporta, maibé sira husi bairu la hanesan (ketak-ketak) no antes ne’e benefisiariu sira mós hetan treinamentu durante loron 4 kona-ba oinsá atu prepara sate no moillu ne’ebé gostu fó hatene sira oinsá haree kualidade hahán, importánsia tau atensaun ijiéne, servisu makaas atu jere di’ak liután sira nia negosíu.
Atividade ne’e organiza husi HEINEKEN Timor-Leste liu husi Tiger Street Food(STF) parseira ho kompana Turismu Domestiku no komapñia ha’u nia Timor, no dadaun ne’e benefisiariu na’in sanulu resin rua (12) kada bairu ketak-ketak, iha Becora na’in Palpasu, Bidau, Villa-Verde, fatuhada, Bemori, Kolmera, Hudi-Laran, Kulu-hun, Komoro no Akadiru-Hun
Iha fatin hanesan, reprezentante benefisiariu fa’an sate husi Bekora, Domingas da Silva, sente orgullu no agradese ba oprtunidade ne’ebé nia hetan husi kompañia HEINEKEN ajuda ona atu nia bele hala’o atividade tunu sate ne’e ho di’ak.
“Agradese ba HENEIKEN ne’ebé tebes oportunidade ne’e mai ami ajuda ona ami hodi kontinua negosíu faan sate nian, agradese mós ba tiger street food(TSF) ne’ebé mak fó ona treinamentu mai ami durante ne’e hodi ami hatene oinsé kona sate nia sabor ne’ebé mak di’ak no oinsá mak bele gostu liu, husi formasaun ida-ne’e ami bele ba implementa iha bairu Bekora,”dehan Domingas
Eventu ne’e, partisipa husi marketing departamentu Tiger street Food, Director Nasionál Empredimentu Atividade Produtu Turizmu, (DNEAPT), public affairs manager HEINEKEN, kompañia ha’u niaTimor-Leste, no membru sira hotu husi kompañia no benefisiariu sira 12.
Jornalista : Rita Moniz
Asiténsia Editór : Egidio Nono
