Lafaeknews-Ohin, 07/04/2021, Primeiru Ministru (PM) Taur Matan Ruak hetan vasinasaun AstraZeneca da-huluk iha Timor-Leste, hafoin lansamentu husi Ministériu Saúde iha sentru Saude Formoza Díli.
Tuir Primeiru Ministru Taur Matan Ruak, hatete, nia hakarak sai ema da-huluk ba vasinasaun Covi-19, tanba hakarak hatudu ba povu Timor-Leste katak vasina ne’e di’ak.
“Ha’u oferese ha’u nia a’an hanesan ema primeira pesoal atu simu vasina Covid-19, í ha’u husu ba nai Prezidente Repúblika atu autoriza vasina karik nia mak tenke simu vasina ikus liu para taka,” dehan PM Taur liuhusi diskursu iha fatin lansamentu ba vasinasaun iha Cestru saúde Formoza Díli, Kuarta (07/04/2021)
Primeiru Ministru mós Agradese ba parseiru internasionál sira nia esforsu tomak tanba bele lori vasina no tipu AstraZeneca to’o iha Timor-Leste.
“Presentajen ida kiik liu mais e uma pasu primeira vitória no vitória kiik ida iha grande vitória ba salva humanidade ba moras ida-ne’e,” tenik PM Taur.
Tuir observasaun ne’e nota katak, agora dadaun iha Sentru Saúde Formoza, marka prezensa husi Primeiru Ministru, Prezidente Parlamentu Nasionál, Prezidente Tribunal Rekursu, no Maiór Jeneral F-FDTL, Tenente Jeneral Lare Anan Timur, no Komandu PNTL, membru governu VIII konstitusionál nian, eis Prezidente Repúblika, José Ramos Horta, Arsebispu Metropolitano Dili, Dom Virgilio do Carmo.
Nune’e, iha faze Vasinasaun Primeiru Ministru simu da-huluk vasina, da-ruak prezidente Parlamentu Nasionál no simu vasina ba da-toluk Prezidente Tribunal Rekursu no membru Governu sira hotu.
Jornalista : Egidio Nono
Editór : Floriano Soares
