LAUTÉM · 6 Apr 2021 12:58 ·

Estudante 60 Viajen Ilegál Husi Díli Ba Lautém


Estudante 60 Viajen Ilegál Husi Díli Ba Lautém Perbesar

Lafaek News-Estudante Lautém Oan hamutuk neen nulu (60) viajen husi Dili ba Muniipiu Lautem ho dalan ilegál tanba ho razaun sira iha Dili la aguenta ona hamlaha no inundasaun ne’ebé foin lalais akontese.

Administradór Munisípiu Lautém, Domingos Savio, informa estudante hirak ne’ebé tama Munisípiu Lautém ho dalan illegal, tanba la latuir prosesu teste swab no hetan karta autorizasaun husi Sentre Integradu Jestaun Krize (SIJK), tanba ne’e ekipa vizilansia ba Covid-19 iha munisípiu Lautém identifika ona hosi tau iha kuarentena atu hakotu transmisaun surtu Covid-19 da’et ba iha Munisípiu Lautém.

“Pasiénsia imi-nia teste swab ne’e ami sei lori ba Dili, karik imi negativu sai ona, atu nune’e ema foun mai fali karik troka fali imi,” informa  Administradór ba iha Lautém, Tersa, 06/04/2021

Administradór ne’e afirma, Autoridade lakohi atu kondena nia oan sira sai susar, sira hatama ba kuarentena ho objetivu ida de’it labele hada’et moras ne’e ba  inan-aman sira iha Lautém atu nune’e sira kaer servisu livre hodi sustenta oan sira.

Iha sorin seluk, amu parokia Santo Paulo, Lospalos, hanesan mós ekipa taskforce iha munisípiu Lautém, Thomas Gusmão, hatete, fo korajen ba estudante hirak  ne’ebé iha kuarentena Lautém atu pasiensia hosi Hein rezultadu, tanba liuhosi pasiensia mak manán buat hotu, nune’e  mós husu atu  reza iha fatin kuarentena hodi salva-an husi Covid-19.

Entertantu tuir informasaun ne’ebé lafaeknews.com assesu, estudante sira kontinua tama sem karta autorijasaun husi SIJK nasionál sei tama kuarentena obrigatóriu iha Munisípiu Lautém kuandu fatin polo UNTL Lospalos nakonu sei muda fali ba Otel sira iha Lospalos villa.

 

Jornalista        : CE.Lautem
Asisten Editór : Egidio Nono

1,358 Views
Artikel ini telah dibaca 20 kali

Baca Lainnya

Grupu Konservasaun Batar Lore 1 Halerik Ho Atake Peste Lakataro  

13 June 2024 - 17:22

Matan Halo Ha’u Lakon Esperansa ba Oan Sira nia Futuru

10 June 2024 - 21:32

Grupu Konservasaun Lenuk Bandu Komunidade Oho Animal Tasi

9 June 2024 - 23:36

Fenómena Udan Monu ho Kór Metan iha Tutuala

9 June 2024 - 16:08

Povu Kiik Iha Postu Lore Halerik Tebes Sira nia Estrada

31 May 2024 - 17:12

Atauro Oan ida Mout Iha Tasi Parte Lautém Deskonfia Lafaek Mak Tata

25 March 2024 - 16:59

Trending di LAUTÉM