Lafaeknews-Xefe aldeia Terus Nain, Suku Vila-verde, postu administrativu Vera Cruz, Munisípiu Díli, Paulina Saramanto Barros husu Governu presiza kontrui barajen ba mota Maloa atu labele fó ameasa ba komunidade sira iha tempu udan.
“Hanesan Autoriade lokal sente triste tanba aldeia Terus Nain ho aldeia Lemorana ne’e area ida ne’ebè mak afetadu primeiru bainhira udan boot no Mota tun,” Informa Paulina Ba Lafaeknews.com iha nia Rezidénsia iha aldeia Terus Nain, Kuarta (07/04/2021).
Nia hatuta, Governu tenke tau importánsia ba iha mota ne’ebè aldeia Lemorana iha leten ne’ebà, Depois mak tun mai iha ne’e.
“Nu’udar Estadu nia liman ain ida iha baze atu husu ba Ministériu Obras Publikas bele tau matan oinsà atu mai lalais halo barajen ka ‘tembook penahan’ husi aldeia Lemorana mai iha aldeia Terus Nain ba to’o iha kraik ne’e,”
Nia haktuir, tan de’it normaliza ne’e, mak agora sai hanesan ne’e, afetadu maka’as no sobu no lori komunidade nia uma hotu inklui membru Polísia Nasionál Timor Leste (PNTL) liuhusi Bateliaun Ordem Públika (BOP) ni’an ida mak mota lori.
Entretantu, total xefe família iha aldeia Terus Nain hamutuk atus lima neen nolu resin sia (569) ho pupalasaun rihun tolu rua nulu resin hitu (3027).
Jornalista : João da Costa Soares
Editòr : Floriano Soares
