SAÚDE · 16 Jan 2021 06:13 ·

Pesoal Saúde Na’in Ida Hetan Pozitivu Covid-19


Pesoal Saúde Na’in Ida Hetan Pozitivu Covid-19 Perbesar

Lafaek News-Pesoal Saúde ne’ebé mak halo atendimentu ba pasiente Covid-19 iha sala Izolamentu Vera Cruz ne’e hetan pozitivu ba moras Covid-19.

Tuir dadus Covid-19 ba ohin loron Sabádu, 16 Janeiru 2021, Komulativu teste 17932, hein rezultadu 279, komulativu kazu 52, rekoperadu 45+4=49, kazu foun +1, atuál baixa 7, Rezultadu (-) 17601, total kuarentena 93, Dili 26, Munisípiu 67, auto Kuarentena 84, Dili 84, Munisípiu 0, pasa ona 14 dia 7327, Dili 6070, Munisípiu 1257,.

“Pesoál Saúde Mane ho idade 35, laiha simtomas ou asimtomatiku,total 12 pessoas de saúde ne’ebé mak halo atendimentu ba pasiente sira iha izolamentu iha Vera-Cruz  ( kazu pozitivu sira Covid-19, durante semana rua liuba, hahú husi loron 22 dezembru 2020 to’o iha loron 5 janeiru 2021. Pesoál ne’ebé pozitivu ne’e kumpre kuarentena iha ótel Novo Horizonte,” Esplika Dermatolojista Kordenadora Jerál Komisaun Nasionál Covid-19, Odete da Silva Viegas, liu husi konferénsia imprensa iha Palásiu das Sinzas, Kaikoli, Sabádu (16/01/2020).

Nia afirma, Pesoál saéde refere kuarantena obrigatóriu iha ótel Novo Horizonte hamutuk na’in-18 kompostu husi pesoál saúde na’in-12, na’in-4 pasajeiru ilegál no na’in-2 pesoál ne’ebé kontaktu besik ho kazu pozitivu ho Aviaun Austrália nian ne’ebé mak falla iha Aeroportu Internasionál Nicolau Lobato Komoro Dili, iha loron 13 Janeiru 2021. 

“Pesoál hirak ne’e hahú kuarentena iha loron 5 janeiru 2021, no wainhira kompleta loron 9 nia laran ekipa Vijilánsia Epidemiologia bá halo investigasaun no foti Swab teste, Amostra Swab foti iha loron 14 janeiru 2021, rezultadu pozetivu relata iha loron 15 janeiru 2021,” nia esplika.

Nia hatutan, Close contact iha na’in-11, sira ne’e hotu mak pesoál saúde ne’ebé mak durante semana rua nia laran halo hela atendimentu ba pasiente pozitivu na’in-13 ne’ebé baixa iha izolamentu Vera-Cruz no hafoin muda ba iha konfinamentu obrigatória iha ótel Novo Horizonte.

Nune’e, nia husu ba públiku tomak, Ministériu Saúde hakarak apelu nafatin no fó fiar ba Ministériu Saúde ho liña ministeriál sira hodi servisu hamutuk hodi kombate COVID-19.

Tan ne’e mak kumpre nafatin medidas preventivas tanba, kazu iha nasaun viziñu kontinua aumenta, moras grave to’o mate, nune’e alerta nafatin ba populasaun ne’ebé hela iha liña fronteira sira atu koopera no kolabora nafatin.

Atu deklara mós ba públiku katak iha tempu badak Ministériu Saúde sei hala’o Swab Massal iha fatin balun ne’ebé sei determina husi ekipa ho objetivu atu bele deteta sedu ba transmissaun lokál iha rai-laran. 

Jornalista : Sandi Belo

Editór        : Floriano Soares

1,301 Views
Artikel ini telah dibaca 19 kali

Baca Lainnya

Kazu HIV/SIDA Sa’e ba 1996 Mate 300 ” Joven Kontrola An”

23 April 2024 - 18:43

UNICEF  Realiza Workshop Nasional Be’e Mo’os Saneamentu No Kuidadu Saúde

23 April 2024 - 09:53

Horta Rona Krítika, Vizita Kedan HNGV Hodi Observa Mákina Fase Ran

20 December 2023 - 16:07

Eventu Car Free Day importante ba Saúde no Ambiente

27 November 2023 - 01:15

MS Komemora Loron Mundiál Saúde Matan  

13 October 2023 - 17:42

Alemaña Apoiu Mákina Sonográfia Ida ba CVTL Halo Servisu Saúde

11 October 2023 - 03:48

Trending di SAÚDE