Lafaek News-Dermatolojista Kordenadora Jerál Covid-19, Odete da Silva Viegas, informa, Pasiente Covid-19, 27 ne’ebé dadaun ne’e baixa iha sala izolamentu , ohin Rekupera ona na’in 4, Timor oan na’in 3 no Estranjeiru na’in 1, no Dadaun ne’e hela pasiente 23 mak sei baixa iha sala Izolamentu Vera Cruz Dili.
“Atualiza Pasiente Rekuperadu Covid-19, Ohin 5 fevereiru 2021 ministériu saúde inkorpora tan pasiente covid-19 na’in 4 husi izolamentu Vera Cruz, Dili kompostu husi mane na’in 1 no feto 3,” Esplika Dermatolojista Kordenadora Jeral Covid-19, Odete da Silva Viegas, iha konferénsia imprensa, palasíu das Sinzas Caicoli, Sexta-feira (05/02/2021).
Kordenadora ne’e hatutan, Rezultadu teste labortóriu hatudu ona negativu tutuir malu nune’e sidadaun na’in 4 refere livre ona husi Covid-19 no bele fila ona ba idak-idak nia família, husi na’in 4 ne’e iha feto na’in 1 maka sidadaun Brazileira no na’in 3 seluk Timor-oan
Tuir atualizasaun Dadus Covid-19 iha Loron 5 fevereiru 2021, Komulativu Teste totál, 19562, Hein Rezultadu teste 60, Komulativu Kazu 80, Rekuperadu 4, Komulativu Rekuperadu 54+4 = 61, Kazu Foun 0, Atuál Baixa hela 23, Rezultadu teste Negativu 19422, husi Totál peoal iha Kuarentena 206 (Dili: 91, Munisípiu: 115),Auto Kuarentena, 128 (Dili: 102, Munisípiu: 26) Pasa ona 14 dias 7732 (Dili: 6412, Munisípiu: 1320)
Enkuantu Pasiente ne’ebe mak sei iha Izolamentu hamutuk ema na’in 23 inklui RAEOA, kompostu husi sidadaun estranjeiru na’in 7 no na’in 16 sidadaun Timor-oan,
Jornalista : Sandi Belo
Asisténsia Editór : Egidio Nono
