SAÚDE · 16 Apr 2021 13:25 ·

Pasiente Covid-19 60 Rekuperadu, SIJK Rejista Foun 55


Pasiente Covid-19 60 Rekuperadu, SIJK Rejista Foun 55 Perbesar

Lafaek News— Sentru Integradu Jestaun Krije – Sala Situasuan (SIJK-SS) partilla dadus loron sesta (16/04), kazu detetadu Covid-19 foun ema nain 55, no atual baixa sa’e ba 560, pasiente rekuperadu 60.

“Kazu detetatu foun ohin  55 (iha Dili 43, iha Munisípiu seluk 12), mane 29, feto 26, Sintomátiku 1, asintomátiku 54, no kazu ativu  560, kazu rekuperadu 60, total kazu konfirmadu kumulativu (sura husi 2020) 1193,” informa  Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araujo,  sesta, (16/04/2021).

Rui relata, iha Munisípiu Dili, deteta kazu foun 43, husi ne’e sura kumulativamente husi 2020, to’o ohin, 16 de Abril de 2021, hamutuk hotu 1006.

Tuir nia hahú ohin (16/04) sei la relata dadus tuir cluster, maibe sei temi de’it fatin ne’ebé kontinua deteta kazu foun iha Munisipiu Dili nia laran, nune’e husi horiseik (15/04)  too ohin (16/04) fatin ne’ebé deteta kazu foun, komoro: 12, Santa Cruz: 9, CCD: 6, Fatuhada: 6, Kaickli, Bekora, Laboratoriu Nasional Saúde: 2, Vila-verde, Mascareñhas, Madohi: 1, hamutuk hotu, sei nafatin iha cluster 23.

Iha munisípiu Aileu, husi horiseik mai ohin, rejista kazu foun 1,no iha munisípiu Manufahi, deteta kazu foun 11, enkuantu husi Munisípiu sira seluk ho RAEOA, laiha kazu foun, nune’e hahu husi horiseik mai ohin, hamutuk hotu Laboratóriu Nasionál Saúde halo 1139 testes PCR, hanesan vijilánsia sentinel 234, rastreiu ba kontaktu (contact tracing) 142. rastreiu aleatoriu (random screening), 159, viajen sai husi serka sanitária munisípiu dili:730, viajen internasionál 20, follow up iha kuarentena 34.

Alende ne’e mós informa, iha kazu detetadu sintomátiku lijeiru balu oras ne’e iha fatin izolamentu, maka keixa hanesan parte husi sintomas, susar ka labele atu horon morin ho dois.

“Ida ne’e parte husi sintoma Covid-19. Favor labele pániku, tamba maioria ema ne’ebé hetan sintoma hanesan ne’e, sei rekupera fali ninia kapasidade atu horon sasan,” tenik nia.

Entretantu, iha izolementu Vera-Kruz iha kazu pozitivu nain 7, Ida grave, nain 6 moderadu, husi kazu pozitivu nain 7 ne’e, 3 iha area medisina interna, 4 seluk iha obstetrisia, no kazu grave ne’ebé iha Vera-Kruz, nafatin uza ventilador no ai-moruk balu tuir protokolu ne’ebé Timor-Leste adopta, maibé iha estadu krítiku, isin sei manas nafatin no dada-i’is ho asisténsia mákina.

Jornalista                    : Sandi Belo

Asisten Editór             : Pedro de Almeida

1,001 Views
Artikel ini telah dibaca 54 kali

badge-check

Editor

Baca Lainnya

Horta Rona Krítika, Vizita Kedan HNGV Hodi Observa Mákina Fase Ran

20 December 2023 - 16:07

Eventu Car Free Day importante ba Saúde no Ambiente

27 November 2023 - 01:15

MS Komemora Loron Mundiál Saúde Matan  

13 October 2023 - 17:42

Alemaña Apoiu Mákina Sonográfia Ida ba CVTL Halo Servisu Saúde

11 October 2023 - 03:48

MS Asina MoU ho Universidade Tazmania Atu Hakotu Mortalidade Maternal iha TL  

22 September 2023 - 15:27

CVTL Liu Husi Banku de Sangue  Hala’o Atividade Doasaun Ran Iha Fundasaun PAX

31 August 2023 - 14:08

Trending di SAÚDE