Lafaek News– Koordenadór Forsas Tarefas ba Prevensaun no Mitigasaun Surtu covid-19, Rui Maria de AraújoCovid-19 Iha Dili 100, Ermera 18, Ainaro 3, Baukau 2, Bobonaro 2, Kovalima 2, Likisa 16, Raeoa 7, Vikeke 1, Total Kazu Foun 151, Kazu rekuperadu 40, no kazu Ativu 1.940
Rui Maria de Araújo, relata kazu detetatu foun iha loron 14 Agostu 2021: 151 (iha Dili 100 no Ermera 18, Liquiça 16 no munisipiu seluk hamutuk 17), husi total kazu detetadu foun ne’e: mane 70, feto 81, husi total kazu detetadu foun hirak ne’e ho idade 20: 36 (23,8%), ho idade entre 12-59 nain 106 (70,1 %), ho idade 60:9, no husi total kazu detetadu foun sira ne’e, 56 kazus ka 37,1% maka sintomátiku (hatudu sintomas).
“Kazu rekuperadu ne’ebé ralata domingu ohin (14/08/2021) hamutuk: 40, total kazu ativu ohin hamutuk: 1.940, no total kazu konfirmadu kumulativu iha 14 Agostu 2021 (sura husi 21 Marsu 2020): 12.423,” esplika koordenadór ne’e liu husi komunikadu imprensa Sabadu (14/08/2021)
Nune’e, iha loron 14 Agostu 2021, izolamentu Vera Kruz halo tratamentu ba kazu detetadu nain 37, iha área obstetrisia nain 12, medisina interna nain 21, sirurjia nain 2 no pediatria 2, sira nain 12 iha obstetrisia, kategoria leve hotu, husi sira nain 21 iha medisina interna, 9 kategoria grave (1 uza ventilador, 8 ho oksijéniu ), 12 kategoria moderadu, nain 2 iha sirurjia, kategoria leve hotu, no nain 2 iha pediatria, kategoria leve.
Rui Maria de Araújo, informa maski Laboratóriu Nasional Saúde haruka ona amostra husi Dili no Kovalima, no hein hela rezultadu sekuensiasaun genómika, kazu aumentua maka’as iha loron 7 ikus, hatudu katak iha possibilidade bo’ot variante Delta mós sirkula ona iha Munsipiu ne’ebé númeru kazu (insidénsia) sa’e maka’as (Dili, Kovalima, RAEOA, Bobonaro, Ainaro, Aileu no Liquiça).
Jornalista : Sandi Belo
Editór : Agapito de Deus
