Lafaek News–Koordenadór Forsa-Tarefas ba Prevensaun no Mitigasaun Surtu Covid-19 iha Timor-Leste, Rui Maria de Araújo hatete, kazu pozitivu Covid-19 foun 189, Dili 107, Ermera 37, Ainaro 14, Baukau 10, Bobonaro 2, Kovalima 4, Likisa 3, Manatutu 1, Manufahi 6, Raeoa 5, kazu ativu 1.822, no kazu rekuperadu 39.
“Kazu detetadu ne’ebé relata ohin 12 Agostu 2021 foun 189 (iha Dili 107, Ermera 37 ho munisípiu seluk hamutuk 45) no kazu rekuperadu 39”, dehan Rui Maria de Araújo liu husi komunikadu imprensa, kinta (12/08/2021).
Husi totál kazu detetadu foun ne’e mane 85, feto 103 ho idade 20 na’in-27 (14,2%), ho idade entre 12-59 na’in-160 (84,6%) ho idade 60 na’in-2, 52 kazus ka 27,5% maka sintomátiku (hatudu sintomas), kazu ativu 1.822 no totál kazu konfirmadu kumulativu iha 12 Agostu 2021 (sura husi 21Marsu 2020) hamutuk 12.059.
Governante ne’e hatutan, Hahú horiseik mai ohin 12 fulan Agostu, hamutuk hotu Laboratóriu Nasionál Saúde halo 710 testes PCR iha Dili, ho detalles hanesan Vijilánsia sentinela 32, Rastreiu ba kontaktu (Contact tracing) 126, Rastreiu Aleatóriu (Random Screening) 100, Viajen sai husi serka sanitária munisípiu Dili 284, Viajen internasionál 25 no Follow up iha quarentena 143.
Jornalista : Sandi Belo
Editór : Agapito de Deus
