Lafaek News—Prezidente Autoridade Munisípiu Díli (PAMD), Segunda (13 /11 /2023), Iha ne’ebé ofisialmente hala’o observasaun direta sentru votasaun Eleisaun orgaun suku ba ronde daruak nian iha aldeia Lenuk-Hun, suku Kamea, Postu administrativu Cristo Rei, Munisípiu Díli.
Tuir prezidente autoridade munisípiu Díli Guilhermina Saldanha hatete, Observasaun Eleisaun orgaun suku ba segundu volta ne’e di’ak liu primeira volta tanbá iha primeira volta ne’e iha meza eleitoral aldeia ne’ebé maka tenke serbisu bo’ot iha kada formuláriu ba kandidatus xefe aldeia sira no kandidatus ba iha delegadu feto ho mane entaun ida ne’e sai hanesan servisu bo’ot ida.
“Ho ida ne’e maka lamentasaun ne’ebé maka hato’o husi ita nia komunidade pertinente maibé meza eleisaun eleitoral aldeia sira mos asegura hela tuir saida maka hakerek nanis iha lei suku ninian katak meza ne’e ida de’it iha kada aldeia,” Guilhermina dehan.
Nia hatutan, Ba segundu volta bele hare’e katak la’o di’ak tebes tanbá formuláriu la barak, bainhira eleitores sira mai prense de’it resenseamentu eleitores de’it depois prezidente meza ne’ebé mak responsabiliza fahe kedas vuletin votus ba eleitores sira, entaun bele dehan ida ne’e fasilita liu sira nia servisu no balun bele dehan katak komunidade ne’e nia bele mai dala ida ka rua la presiza hamri’ik kleur, ida ne’e mak dehan di’akliu primeira volta.
“Hanesan da-daun ha’u hamri’ik iha aldeia Lenuk-Hun tuir dadus ne’ebé maka resenseamentu meza eleitorál halo katak totál elitores hamutuk 300 ital, ho ida ne’e 200 ital maka mai ezerse ona ninia direitu ho ida ne’e maka ita bele dehan katak atinji pursentu 60% husi komunidade ida ne’ebé maka mai halo sira nia devér síviku atu hili sira nia lideransa komunitariu,” katak nia.
Enkuantu prezidente autoridade ne’e mos hakarak parabeniza ba komunidade Lenuk-Hun ne’ebé antusiazmu no-mós hatudu sira nia devér síviku hein katak ho kontajen votu la’o di’ak tebes ho persentajen ne’ebé iha.
Nia salienta tan, Iha munisípiu Díli totál suku hamutuk 31 suku 5 maka seida’uk bele tuir eleisaun mak hanesan suku Mantelulau, Ailok, Bebonuk, Madohi no Manleuana, husi suku 5 ne’e sei hala’o eleisaun iha fulan Abríl tinan ne’e, tan ne’e maka suku ne’ebé agora tuir da-daun ne’e hamutuk 28 sukus husi ne’e suku 8 maka liu kedas primeira ronde tanbá ne’e maka hakarak parabeniza ba sira tanbá maioria ne’ebé mak liu primeira ronde ne’e re-eleitu bele dehan katak komunidade sira nia fiar ne’e fo ba sira 100% so ida de’it mak foun iha suku Kampung Alor.
Entretantu, Totál eleitores iha aldeia Lenuk-Hun hamutuk feto 110 no mane 107 ho totál votante 217, totál validu hamutuk 209 votu nulu 8 no banku 0, husi ida ne’e kandidatura ho númeru sorteiu 1 Joao Manuel da Silva hetan votu validu hamutuk 49 no kandidatura númeru sorteiu 2 Matos da Costa hetan votu validu 164.
Jornalista : Paulo Collo
Editor : Agapito de Deus
