Lafaek News—Vise Primeiru Ministru no Ministru Koordenador Assuntu Sosiais, Mariano Assanami Sabino, hateten laiha ema ida atu satan neik ema seluk nia Liberdade, ema ne’ebé sunu uma no halo violénsia ne’e traisaun ba heroi sira ne’ebé mate ba nasaun Timor Leste.
Vise Primeiro Ministru no Ministru Koordenador Assuntu sociais, Ministru Dezemvolvimentu Rural e Habitasaun Komunitaria, Mariano Asanami Sabino hafoin partisipa iha komemorasaun 12 Novembru bad ala XXXII iha Santa Kruz Dili Timor Leste, domingu (12/11/2-2023).
“ Ba ha’u nia alin no joven sira, ohin imi livre imi la’o ba la’o mai imi aprende di’ak liután ne’e, tanba imi nia maun sira mate, imi nia aman sira mate imi nia avo sira mate tanba ne’e iha rai lulik ida ne’e laiha ema ida satan ema nia liberdade la iha ema ida sobu ema nia liberdade la iha ema ida mai sunu ema nia uma mai halo violénsia nee halo traisaun ba herois sira traisaun ba herois sira tanba sira sosa ho liberdade fakar ran foin mak hetan”
Vise Xefe Governu ne’e dehan, loron 12 de Novembro loron ida ne’ebé determina no oferese ba ba joven sira ba ohin no aban-bain rua loron ba juventude sira hodi kontinua nafatin Asuwain sira nia ain fatin nudar Aswa’in nudar heroi, tanba ohin loron Timor Leste tama ona ba Asean porsentu 99,” dehan Assanami.
“Ita tama ona organisasaun komérsiu mundial Ita iha membru CPLP Ita mos pioneru Ita mos iha forum Pasifiku ne’e, disiplina no hakas an nafatin servisu ho esforsu atu Ita bele atinje saida mak ita nia herois sira mehi, saida mak herois nia hanoin, saida mak objetivu Luta atu Ita atu moris di’ak, luta para Ita atu goza, luta para Ita atu livre,” Assanami reafirma.
Lider Partidu Demokrátiku ne’e mos husu joven sira hametin unidade, labele fiar ba organizasaun arte marsial sira hodi fahe malu hanesan ema Timor-oan, arte marsial ho partidu ne’e estadu nian, joventude loriku aswa’in kontinua la’o tuir heroi sira ain fatin hodi luta ba pas no estabilidade hodi kontribui ba prosesu dezenvolvimentu Timor Leste.
Jornalista : Felix Fernandes
Editor : Agapito de Deus
