Lafaek News—Eis Prezidente Repúblika, Francisco Guterres Lú Olo, husu governu atu husu kompania ninia responsabilidade ba monumentu 12 Novembru 1991 too agora sei nune’e nafatin.
Lú Olo hatoo asuntu ne’e ba jornalista sira hafoin ho nia espoza partisipa iha komemorasaun 12 Novembru Santa Krúz bad ala XXXII, hodi hateten tuir lolos monumentu 12 Novembru 1991 prontu tiha ona, tanba saida mak sei nafatin hela.
“Tuir Ha’u nia pontu de Vista lolos ne’e buat ne’e prontu tia ona tan saida mak to Agora seidauk prontu tinan ruanulu resin kalen nee SEI naftin Hela deit iha nee Hau hanoin Estadu tenki husu responsabilidade ba kompanha neebe Mak kaer projetu Ida ne’e “
Iha biban ne’e, Eis Prezidente Repúblika Timor Leste ne’e hateten, 12 de Novembru Masakre Santa Krúz 1991, juventude loriku aswa’in sira see hirus matan no firme hakilar Ukun Rasik An ba mundu nia matan hodi hateke ba Timor Leste.
Iha Komemorasaun loron 12 de Novembru Masakre Santa-Krúz ba Dala 32 ne’e, iha momentu ne’ebé importante tebes ba Timor-Leste nia luta ba libertasaun nasional.
“Ita nia juventude sira konsiente sira husik sira Nia sakrefísiu boot iha rate Santa Krúz bele fanun mundo tomak Kona–ba ita Nia luta de libertasaun Nasional ho povo Timor-Leste, nia direito ba auto-determinasaun independénsia Ita halo ona ba Tinan 32, ohin bele halibur malu fila–fali fatin ida ne’e atu bele fo memoria nafatin ba sira ne’ebé mate, maibé fo de’it memoria seidauk to lori fo memoria ba sira para Ita halo reflexsaun,” Lú Olo hateten.
Prezidente Partidu FRETILIN ne’e ne’e mos akresenta, Timor Leste hanesan rai ida independente, 12 Novembru nudar loron ida importánsia ema hotu atu halo reflexaun klean, saida mak seidauk halo ba nasaun presiza hamutuk hodi hala’o di’ak liután atu lori povu ba moris di’ak.
“Loron 12 de Novembru Masakre Santa Krúz juventude loriku Aswa’in lubuk Ida ne’ebé mate iha rate Santa Krúz hodi fo sakrefísiu boot hodi liberta patria agora ba ita nia dever boot ida ba Ita hodi luta hodi liberta povu hodi bele fo dignidade ba sira,
Entretantu, observasaun lafaek news iha Santa Krúz Dili, komemorasaun 12 Novembru 1991, bad ala XXXII, partisipa másimu husi mate-restu 12 Novembru inklui membru governu konstiusional da-sia.
Jornalista : Felix Fernandes
Editor : Paulo Collo
