Lafaek News—Organizasaun Noun-Governamental (ONG) Core Group Transparency Timor-Leste (Sigla-Inglesh), hala’o atividade nasional mudansa klimátika hamutuk ho Autoridade lokal no estudantes universitárius sira.
Koordenador Nasional CGT-TL, Jemi Carter Moniz dos Reis, informa organizasaun Core Group Transparency estabelese iha 2025, objetivu hosi ezisténsia tau matan ba asuntu transparency, mentalidade liga ho, Orsamentu Jeral Estadu, (OJE ) ne’ebe aplika ekonomia no industria iha Timor-Leste.
“Ita iha membru hamutuk 16 la’o hamutuk ho organizasaun sira seluk, depois husi Group transparency, sa’i hanesan membru internasional no sai mos membru iha ida-idak nian, no ita liga ho indústria, estativa iha ita nia rai laran,”hatete Jemi Charter Moniz dos Reis ba jornalista sira iha salaun Tower Fatuhada, kuarta loron, 19-02-2025.
Fundamentu husi sorumutu ne’e atu fahe informasaun liga ba finansiamentu mudansa klimátika iha mundu inklui Timor Leste, maske nasaun kiik maibé kontribuisaun boot tebes, tan ne’e husu ba parte governu atu sosializa informasaun kona-ba mudansa klimátika ba komunidade, estudante no autoridade lokal’ sira hodi bele hatene klean kona-ba, impaktu mudansa klimátika iha Timor-Leste.
“Governu ita luta hamutuk hodi luta hasoru mudansa klimátika, mezmu ita nia nasaun ne’e kontribuisaun ki’ik 0,03 ita nafatin luta hasoru mudansa klimátika mezmu ita laiha forsa ho kbiit, ita nafatin tau matan ba asuntu mudansa klimátika, dala-barak asuntu mudansa klimátika ne’e afeita ba iha inan-feton sira ho difisiensia.
Iha fatin hanesan, Antonio dos Santos Lobo, nudar Autoridade lokal suku Seloi, postu Administrativu Aileu-Vila munisípiu Aileu hatete, asuntu mudansa klimátika, presiza duni hala’o advokasaia ba komunidade sira hodi intende didi’ak nia impaktu iha sosiedade.
“Husi mini workshop ohin ne’ebe mak realiza, Hau hanoin lideransa komunitáriu presiza duni sira mak, tamba lisaun ida ne’e inportante, ita bele konsidera ida nu’udar hanesan pontu, partida ida ba ami lideransa komunitaria sira,” António salienta.
Observasaun Lafaek News iha workshop kiik ne’e hetan partisipasaun másimu husi Autoridade lokal munisípiu Aileu, Baukau, Likisá, inklui munisípiu Ermera no estudante hosi Universidade sira kompostu husi OIB, UNTL ho UNDIL.
Jornalista: Natalia de J./Fátima S. das Dores
Editor : Agapito de Deus
