Lafaek News—Institutu Nasional Kombate HIV-SIDA fasilita formasaun ba pesoal saúde sira ho objetivu atu hasa’e kualidade atendimentu ba pasiente HIV-SIDA iha Timor Leste
Xefe Departementu Kontrolu Moras Hada’et, Ambrosio Soares Trindade esplika intensaun hosi formasaun ne’e atu hasa’e koñesimentu ba enfermeiru no médiku hodi fo atendimentu di’ak ba maluk moras Hiv-sida ho diak iha futuru.
“Instituisaun INC- HIV-SIDA servisu hamutuk ho ministériu saúde ne’ebé realiza treinamemtu ida ne’e haree liu ba pesoal saúde sira servisu parte iha area programa HIV no STI, tan ne’e ohin ita mai husu treinador sira bele hasa’e konesimentu no kapasidade atu halo atendimentu iha futuru ho di’ak, prezensa ohin iha ne’e médiku infermeiru parteira, la’os husi munisipiu Dili nian, maibé ita konvida mos servisu postu saúde no sentru saúde mai partisipa formasaun ne’e hotu,” Xefe Departementu Kontrola Moras Hada’et, Ambrosio Soares Trindade ba jornalista sira iha salaun Igreja evanjélika, Kaikoli tersa, 18/02/2024.
Ambrosio, fundamenta liután, programa nasional HIV-SIDA iha planu integradu rekursu ne’ebé destaka iha sentru saúde hotu atu garante servisu la’o normal, servisu la’o rutina husi nasional to munisipiu inklui sentru saúde Ita nia rekursu sira ne’ebé destaka iha sentru saúde ne’e servisu la’o nafatin hanesan baibain,
Iha sorin seluk Prezidente Institutu Nasional Kombate HIV-SIDA, Daniel Marcal, haktuir formasaun ne’e prioridade ba médiku no enfermeiru sira ne’ebé hala’o tratamentu iha area HIV-SIDA hodi aumenta kapasidade no konesimentu atendimentu ba Pasientes.
“Formasaun ba pesoal saúde sira ne’ebé servisu iha area tratamentu iha area moras HIV-SIDA ne’e importante tebes, tanba maluk sira ne’ebé sofre moras HIV SIDA, balu dropout makas loos, tanba kestaun tékniku ne’ebé mosu husi pesoal saúde balun, tanbalu iha konesimentu no balu laiha konesimentu, atetude balu mosu husi pesoal saúde halo maluk sira ne’ebé afeta moras HIV-SIDA moris senti la hakmatek, tan ne’e ho rratamentu ida ne’e senti ofendidu ho ida ne’e maluk sira ida ou rua ne’e fiar liu fali ba aimoruk tradisional ne’ebé ema promove husi Facebook YouTube katak moras HIV bele kura husi aimoruk ne’e, halo promosaun ba aimoruk sira ne’e prezudika
ba sira lakon sira nia vida, i maluk balu sira fiar liu ba ita nia lisan katak lisan bele resolve moras ne’e, maibé laiha lisan ida Timor ne’e bele kura moras HIV ne’e ho konesimentu sira ne’e dala barak ita mia maluk ne’ebé afeta moras HIV halo sira dok husi tratamentu, Daniel Marcal akresenta.
Iha oportunidade n’e e Nia rekomenda ba joven sira ne’ebé afeita ona moras HIV-Sida labele fiar aimoruk tradisional ne’ebé posting iha media social, di’ak nafatin hakbesik an nafatin ba sentru saúde halo tratamentu hodi asegura saúde hodi hala;o atividade normal.
Jornalista : Moises Guterres
Editor : Agapito de Deus
