Lafaek News—Sekretáriu Estadu Formasaun Profissional Empregu liu husi Diresaun Nasional Empregu fasilita formasaun no hato’o papel SEFOPE nian ba formandus hamutuk ema 300 husi Sentru Formasaun Grace For Development.
Diretor Sentru Formasaun Grace for Development, Hilário Gusmão Fraga hatoo agradese ba SEFOPE bele mai hato’o papel SEFOPE nian ba joven sira liu husi formsaun oinsá atu kria servisu ba an rasik, loke negósiu rasik no ba servisu iha Korea ho Austrália.
“Papel husi SEFOPE Mai hato’o ba joven sira liuliu atu kria rasik kampu trabralu negósiu no-mos ba servisu iha Austrália Korea fahe formasaun liga liu ba ida ne’e, tanba joven sira hein hela ida ne’e, i ida moos kona-ba ba estájiu sira ne’ebé durante estajiu fulan rua iha instituisaun privadu ou governu, Diretor Sentru Formasaun GFD ba jornalista sira iha salaun Parokial Balide, sesta semana ne’e, 14/02/2024.
Iha tinan 2025 nian, Sentru formasaun GFD simu estudante hamutuk 300 kompostu husi estudante no sira ne’ebé remata ona estudu iha nivel sekundária, prosesu formasaun fokus liu iha area emprendedorismu negósiu no liga liu ba servisu iha Australia no Korea.
Iha Sorin seluk reprezentante SEFOPE Diresaun Nasional Empregu, Cesaltinho de Jesus Guterres, argumenta, Papel SEFOPE nian mak atu fo formasaun ba estudante finalista husi ensinu sekundariu tékniku vokasional no estudante husi sentru formasaun ba nesesidade formasaun no empregu iha rai laran no rai liur.
“Papel SEFOPE nian mak empregu formasaun i traballu ba pontu tolu ne’e mak ami nia alvu ba estudante sira husi sentru formasaun finalista ensinu sekundariu no tékniku vokasional ba nesesidade formasaun empregu ba servisu rai laran no rai liur,” nia dehan.
Cesaltinho fudamenta SEFOPE iha mos programa ho naran auto empregu nia alvu mak gradua iha sentru formasaun, bele eleva sira kapasidade no abilidade kria servisu ba nia an rasik, bainhira sira nia negósiu la’o di’ak on abele fo tan servisu ba jovens ira seluk.
Jornalista : Moises Guterres
Editor : Agapito de Deus
