Lafaek News—Família Vítima husu Prezidente Repúblika, Primeiru Ministru no Parlamentu Nasional atu bolu atensaun urjénsia ba Komandante Jerál (KomJer) PNTL atu labele defende hahalok kriminozu husi membru PNTL nain haat nian hasoru defisiénsia mental Lourenço Gusmão iha loron 6 fevereiru 2025 iha munisipiu Vikeke.
Asuntu ne’e família vítima hatoo liu husi konferénsia imprensa iha loron kuarta (12/02/2025) iha Jardin 5 de Maiu, hodi husu orgaun soberanu haat atu fo atensau urjénsia lider instituisaun PNTL kontrola membru sira PNTL sira hala’o servisu iha terenu bazeia ba lei ordem.
“Ami família Vítima hakarak husu orgaun soberano tomak no instituisaun Governu no sosiedade sivil no Ami husu ba provedoria dos Direeitos humanos e justisa (PDHJ) hodi bele halo investigasaun ba kasu membru polisia nain haat (4) ou Liu ne’ebé halo agresaun fíziku a sidadaun Lourenço Gusmão ne’ebé Ema hotu hare atusaun ne’e la tuir ona KRDTL iha artigu 29 Alina 1,2 no 3”
Família vítima defisiénsia mental ne’e husu mos ba sosiedade sivil hodi bele preokupa no hakilar ba hahalok brutalizmu ne’ebé hatudu husi membru PNTL nain 4 ne’ebé halo ba Vítima Lourenço Gusmão ne’e la tuir ona Lei no orden no husu ba Prezidente Republika no Primeiru Ministru no Parlamentu Nasional no husi komisaun B Ministériu Interior fo atensaun ba komadante Jeral investiga no prosesu sira ne’ebe no asaun depende kriminozu
“Ami husu ba Prezidenti Republika Primeiru Ministru Parlamentu Nasional husi komisaun B ministeriu interior atu halo atensaun ba komadante Jeral investiga no prosesu Sira no asaun depende kriminosu duke depende reputasaun instituisaun estadu nian,” nia akresenta
Nia haktuir tan katak auto-defesa ne’ebé komadante munisipiu Vikeke halo ho deklarasaun ne’ebé Komadante PNTL Komisariu Jeral liga ba kazu Vikeke nakonu ho deklasaun falsu sein faktus no nota mo-mos bosok públiku hodi depende membru kriminozu sira
Entretantu Vítima ne’ebé hetan agresaun fíziku husi membru PNTL nain 4, hasoru Loureço nudar vítima no nia (Vótoma ) la’os ema ho kondisaun normal, vítima nne’e rasik sofre hela moras mentaldezde tinan 2021 too ohin loron.
Jornalista : felix fernandes
Editor : Agapito de Deus
