SAÚDE · 13 Apr 2021 12:17 ·

OMS Rekomenda Matebian ‘Armindo Borges’ Halo’ot Tuir Protokolu Espesiál


OMS Rekomenda Matebian ‘Armindo Borges’ Halo’ot Tuir Protokolu Espesiál Perbesar

Lafaeknews-Ohin (13/04/2021), Organizasaun Saúde Mundiál (OMS) rekomenda Matebian Armindo Borges ne’ebé deskonfia mate tanba Covid-19 tenke halo’ot tuir protokolu espesiál nian.

Tanba, Sentru Integradu Jestaun Krije (SIJK) hato’o ba públiku ligadu ho istória matebian Armindo Borges ne’ebé to’o oras ne’e seidauk iha konkordánsia entre familia ho autoridade Estadu nian kona-ba funeral ba mate-isin, maibé OMS rekomenda halo’ott tuir protokolu.

“Istória klinika matebian (Armindo Borges) nian, Mane, idade 44 anos, pozitivu SARS-CoV-2 iha dia 11 de Abril de 2021 (foti amostra iha dia 11 de Abril de 2021, iha Emerjénsia HNGV),” dehan kordenadór forsa tarefas ba prevensaun no mitigasaun surtu covid-19, Rui Maria de Araújo, ba jornalista sira liu husi komunikandu imprensa, Tersa 13/04/2021).

Nia konta, matebian hela iha Komoro, Dili, ambulánsia foti nia husi uma, to’o iha emerjensia iha tuku 18H11, hatudu kondisaun sonolentu, ran sai husi inus, no dada I’is susar.

Husi ezame fiziku ba sinais vitais hetan tensaun arterial 140/80 mmHg, pulsasaun 115X/minutu, frekuénsia respirasaun 32X/minutu, saturasaun Oksijéniu 77%.

Nune’e ekipa emerjénsia nian halo primeirus sokorrus, hafoin halo ezame diagnóstiku adisionál ho eletrokradiograma no raiu X hirus matan, no to’o iha diagnoze traballu Suspeitu AVC (acidente vasculo cerebral) hemorrajiku.

“Pozitivu SARS-COV-2, kazu ne’e konsideradu Covid-19 kategoria grave, no ekipa konjunta saúde deside enkamiña ba izolamentu Vera Cruz,” tenik nia.

Nia salienta, hafoin deteta pozitivu SARS-CoV-2, foti mós amostra husi membru familia nain 3 ne’ebé akompaña, husi nain 3 ne’e nain 2 pozitivu.

Eis primeiru ministru ne’e informa, metebian (Armindo Borjes) ninia CT (cycle threshod) iha rezultadu PCR dia 11de Abril : N2 gene 25.1; E gene 24.7. Ho nune’e ekipa evakua ba kedas iha izolamentu Vera Cruz, no pasiente ne’e i’is kotu iha 1H21.

Enkuantu ninia rezultadu test PCR post-mortem (amostra hasai iha maiz ou menus 12H00, dia 12 de Abril de 2021): Pozitivu ho CT (Cycle Threshold) N2 Gene 18.6: E Gene 17.0, ne’ebé to’o oras 13 hafoin i’is kotu, rezultadu PCR hatudu replikasaun virus aumenta tan iha isin-mate.

“Faktu ida ne’e konsistente ho koñesimentu sientifiku ne’ebé sai baze atu OMS rekomenda funeral ho protokolu espesial ba kazu óbitu ho virus SARS-CoV-2 iha sira nia isin, ho objetivu atu prevene labele hadaet tutan ba ema seluk,” nia hakotu.

 

Jornalista        : Sandi Belo
Asisten Editór : Pedro de Almeida

1,142 Views
Artikel ini telah dibaca 136 kali

Baca Lainnya

Kazu HIV/SIDA Sa’e ba 1996 Mate 300 ” Joven Kontrola An”

23 April 2024 - 18:43

UNICEF  Realiza Workshop Nasional Be’e Mo’os Saneamentu No Kuidadu Saúde

23 April 2024 - 09:53

Horta Rona Krítika, Vizita Kedan HNGV Hodi Observa Mákina Fase Ran

20 December 2023 - 16:07

Eventu Car Free Day importante ba Saúde no Ambiente

27 November 2023 - 01:15

MS Komemora Loron Mundiál Saúde Matan  

13 October 2023 - 17:42

Alemaña Apoiu Mákina Sonográfia Ida ba CVTL Halo Servisu Saúde

11 October 2023 - 03:48

Trending di SAÚDE