POLÍTIKA · 14 Apr 2021 05:15 ·

 Julio: Asaun Xanana La’os Kontra Governu, Más Lisaun Ba Jerasaun Foun


 Julio: Asaun Xanana La’os Kontra Governu, Más Lisaun Ba Jerasaun Foun Perbesar

Lafaek News—Akademista Universidade Nasionál Timor Loro sa’e (UNTL), Departamentu Dezenvolvimentu Komunitáriu (DDK), Julio Aparicio afirma, asaun ne’ebé lider karizmátiku Kay Rala Xanana Gusmão, lansa la’os kontra governu maibé nu’udar lisaun ba jerasaun foun.

“Asaun ne’ebé maun Xanana halo ne’e nu’udar lisaun ida mai ami akademista sira no ba jerasaun foun sira atu la’o tuir buat ne’ebé loos justu ba povu Timor Leste, maibé la’os kontra governu,” katak Julio Aparicio ba lafaek news iha kna’ar fatin UNTL Kaikoli, kuarta (14/04/21).

Fukun husi asaun lider karizmátiku Kay Rala Xanana Gusmão iha sentru izolamentu Vera-Krús, objetivu fundamental mak mate isin Armindo Borges, ne’ebé tuir deklarasaun husi parte Ministériu Saúde liu husi SIJK katak matebian mate tanba covi-19.

“Ami nu’udar akademista husu parte governu atu justifika lo-loos ba família kona-ba mate ne’e atu nune’e labele kria tan konfuzaun entre governu ho lider karizmátiku Kay Rala Xanana Gusmão ho familia sira atu nune’e problema bele remata ona,” katak Julio akademista.

Ho kestaun ne’e maka Xanana Gusmão ba toba de’it iha estrada leten, tanba hakarak defende lia loos iha povu nia matan, tanba ema hotu haree liu-liu matenek nain jerasaun foun labele haree hanesan kontra governu maibé presiza haree husi aspeitu pozitivu ukun na’in sira tuir mai atu banati.

“Katuas halo ida ne’e hanesan lisaun id aba ami akademista sira ho ita nia joven intelektual para ema hotu aprende atu bao in ami bele implementa bainhira ami ba sai ukun,” Julio akresenta.

Tanba ne’e, asaun ne’ebé Xanana Gusmão halo ne’e la’os atu kontra nia alina nain rua (Taur ho Lú Olo), Prezidente Repúblika ho Primeiru Ministru, maibé Xanana atu hanorin de’it jerasaun foun karik loron ruma ba kaer ukun ka see de’it mak ba ka’er ukun tenke halo buat ne’ebé loos justu ba povu.

Julio, fundamenta haree husi asaun husi lider karimzátiku ne’e hanesan lisaun ida atu hatudu ba mundu katak labele uza kapasidade no riku atu hanehan fali ema kiik sira nune’e sai terus ba bei-beik, maibé sira nunnka sente saida mak povu hasoru.

“Asaun Xanana hanesan mós asaun solidariedade ba ema sira ne’ebé vítima ba covid-19 intermus ekonomia no nesesidade bázika iha uma laran,” nia afirma.

tuir hanoin husi akademista ne’e katak, mate isin Armindo Borges, sai konfuzaun ba públiku, tanba deklarasaun husi família katak durante fulan ida matebian toba de’it iha uma, hafoin ba tratamentu iha HNGV ikus hodi mate, maibé tanba saida mak mate tanba covid-19 no família sira liu-liu matebian nia oan sira covid-19 la kona.

“See mate isin ne’e covid, signifika oan sira mós kona hotu covid-19, ida ne’e deklarasaun husi família sira, agora SIJK mós tenke hatoo razaun forte ho evidénsia atu nune’e ita bele buka solusaun oinsá mak entrega ba família ka entrega ba governu,” nia dehan.

Akademista sujere, senáriu ne’ebé di’ak atu solusiona kestaun ne’e mak husu Primeiru Ministru Taur Matan Ruak ho Prezidente Repúblika Francisco Guterres Lú Olo, tenke ba hasoru sira nain rua nia maun (Xanana) atu bele resolve problema ne’e nune’e lori Timor ba oin ho justu no trankuilidade iha sosiedade Timor Leste.

 

Jornalista/Editór : Agapito de Deus

1,639 Views
Artikel ini telah dibaca 117 kali

badge-check

Editor

Baca Lainnya

Naimori : “Iha Timor Ha’u ho Ramos Horta Mak Ko’alia Unidade Nasional”

23 April 2024 - 10:39

Berta Kontinua Lidera KHUNTO Ho Sekretariu Jeral Eleitu

23 April 2024 - 10:19

Naimori : KHUNTO sei la husik FRETILIN ho PLP Mesak

22 April 2024 - 00:08

KHUNTO Troka De’it Xefe Bankada La’os Hasai Olinda Husi Partidu

21 April 2024 - 09:19

PR Parabeniza Armanda Berta Iha Kongresu KHUNTO Ba da-IV “Olinda Guterres La Marka Prezensa”

21 April 2024 - 09:13

PR ho PPN Diskute Preparasaun Viajen ba Abudabi  

21 February 2024 - 08:33

Trending di POLÍTIKA