Lafaek News—Governu Korea liu husi embaixada iha Timor-Leste, no inklui emprezariu Korea apoiu osan $ 100,000.00 no nesesidade bázika ba vítima afetadu dezastre naturais iha Timor-Leste.
Sekretariu Estadu Protesaun Sivíl, Joaquim J.G dos Reis Martins, afirma ajudasaun husi embaixadór Korea ba povu ne’ebé afeitadu dezasatre naturais ne’e jere husi UNDP.
“Osan apoiu ba komunidade afetadu inundasaun, sira nia empresariu Korea mós fó apoiu hahan hanesan fóos, Mina, Supermi ba ita nia komunidade sira ne’ebé mak afeitadu,” Joaquim J.G. dos reis Martins afirma ba jornalista iha Caicoli, Kuarta (14/04/2021).
SEPS esplika, apoiu hurak ne’e laos ba deit munsipiu Dili maibé ba mós munisipiu sira hotu no sei maneja iha Diresaun Nasionál de Gestao Desastre (DNGD).
Nune’e mós embaixdor Korea republik, Mr. Kim Jeong Ho, nia parte orgullu fó apoia ba komunidade ne’ebé maka afetadu husi inundasaun iha loron hirak liu ba.
“Ami husi Korea iha ne’e maka tau hamutuk, ami nia forsa hodi ajuda ba Timor-Leste ne’ebé maka hetan afeitadu husi udan boot ne’e,” hatutan
Enkuantu Embaixadór Korea agradese governu Timor-Leste tanba emprezáriu Korea bele hala’o nia servisu iha Timor, nune’e hare’e ba vítima dezastre naturais hodi fó apoiu osan no nesesidade bázika sira, maibé sei maneja husi UNDP oferese ba DNGD.
Jornalista : Aniceto Dias
Asisten Editór : Pedro de Almeida
