Lafaek News—Partidu Congressu Nasionál Rekonstrusaun Timorense (CNRT) apoiu tomak lider karizmátiku Kay Rala Xanana Gusmão nia asaun hasoru governu hodi husu fila mate isin (Armindo Borges) entrega ba nia familia lori halot iha Manleuana.
Portavoz Vergílio Smith, hato’o asuntu ne’e liu husi konferénsia imprensa hodi husu atu kurie prosesu tratamentu ba Covid-19 inkonsistene no diskriminativu tanba prosesu funebre ne’ebé la dignu tuir kultura relijiosus no kultura Timor nian.
“Partidu CNRT hosi nasionál too baze apoia inkondisionalmente lider Kay Rala Xanana Gusmaõ nia aktu umanizmu ho korajiosus hodi protesta no kurize hahalok sira ne’ebé prejudika no haterus ita nia povo” dehan portavoz Vergílio Smith Sede CNRT, kuarta, (14/04/2021).
Virgílio Smith, deklara Kay Rala Xanana Gusmão ba adjuntu SJIK apoiu se de’it inklui estadu luta hasoru Covid-19, bainhira entrega mate isin ba Familia no halo enternu ho dignu no tuir kultura, uzu kostume prinsipius religiosos no tradisaun haktuir parametru ne’ebé Organizaasaun Mundial Saúde mós hatur tiha ona.
iha koneferensia imprensa ne’e, liderasansa sira husi partidu CNRT ne’e sujere ba governu atu koopera ho asaun eis President Republika Kay Rala Xanana Gusmão nian hodi hetan solusaun ba problema ida ne’e no hatur dignidade umanu Timor oan tuir nia Kultura.
Husi Konferénsia imprensa ne’e mós apela ba povu Timor oan tomak atu observa nafatin regras no protokolu Covid-19 tuir padroniazasaun OMS nian.
Jornalista : Rita Moniz
Asisten Editór : Pedro de Almeida
