Lafaek News—Diretór Nasionál Bombesirus Nasionál Timor-Leste, Claúdio da Silva, informa ekipa bombeirus Nasionál iha limitasaun transporte hodi fornese bee mos ba infetadu inundasaun iha DílI, razaun maioria komunidade ho volume bo’ot susar atu fornse bé moos kada loron.
Claúdio da silva esplika hafoin inundasaun ne’ebé akonteses iha loron 4 fulan Abril tinan liu ba kuaze estraga total infrastrutura bee moos kuaze porsentu 50 to’o 70, tanba ne’e bombeirus Timor Leste sei fornese bee moos ba komunidade sira iha kapital Díli.
“Hau hakarak imforma ba publiku katak hafoin inundasaun akontese iha loron 4 fulan abril tinan ne’e kuaze infrastrutura bé iha kapital Díli kebra ou at kuaze 50 to’o 70% portantu komunidade iha Díli sofre ba bee moos, “Informa DNBTL Claúdio da Silva ba jornalista sira iha kaikoli, kuarta (14-4/2021).
Maske nune’e, parte bombeirus nafatin fornese bee em jeral Díli laran no servisu hamutuk ho Bee Timor Leste hodi fasilita bee ba komunidade sira iha Díli.
“Ami iha viaturas iha fornesementu Nasionál iha Díli ne’e iha kareta rua ida ho bé 10mil litrus no ida seluk 5mil litrus maibe ami husu reforsa tan husi munisipíu tolu ho kareta tanki tolu tan ho nune’e hamutuk 15mil litrus.” Nia deklara.
Ho apoiu servisu ekipa bombeirus husi munisipiu tolu ho ekipa bombeirus Nasionál kada loron fornese bee ba komunidade afetadu inundasaun besik 50 to’o 60 mil litrus.
Claúdio esplika tan komunidade ne’ebé lokaliza iha area danau tasi lolu da-daun ne’e ekipa operasaun intervensaun servisu hamutuk ho Forsa Defesa Timor Leste hodi bele apoiu servisu ne’ebé nune’e apoiu ba komunidade ne’ebé afetadu husi inundasaun.
“Iha parte Danau Tasi-Tolu iha ekipa operasaun intervensaun mak responsavel iha area ne’eba husi loron inundasaun to’o ohin loron nafatin destaka iha fatin refere hodi apoiu komunidade sira iha lagoa Tasi-Tolu tanba uma hetan estragas depois sira labele sai entaun ami servisu hamutuk ho F-FDTL ho parte kompetente sira hodi responde ba situasaun ne’e,” Claúdio afirma.
Kontributór : Javelino Silva
Editor : Agapito de Deus
