Lafaek News—Pasiente covid-19 ne’ebé ohin loron sabadu (29/05/2021), baixa iha sala izolamentu iha munisipiu 12 inklui RAEOA hamutuk 2689, pasiente foun 130 no mate ida.
Koordenadór Forsas Tarefas ba Prevesaun Mitigasaun surtu covid-19, Rui Maria de Araújo, informa ligadu ho kazu foun 130 ba ohin loron (29/05/2021), mai husi munisípiu Dili 111, Bobonaru 11, Kovalima 5, Manatutu 1, husi total kazu detetadu foun ohin: mane 73, feto 57, kazu detetadu foun hirak ne’e ho idade 12: 4, ho idade entre 12-59 nain 121 (93,0%), ho idade 60:5, ho porsentu 4,6 sintomátiku.
“Kazu rekuperadu ne’ebé ralata ohin, dia 29 de Maiu 2021: 132, kazu ativu ohin, dia 29 de Maiu 2021: 2689 no total kazu konfirmadu kumulativu iha 29 de Maiu 2021 (sura husi 21 Marsu 2020): 6752,” Rui Maria de Araújo sita iha komunikadu imprensa, sábadu (29/05/2021).
Pasiente ne’ebé mate (mane), ho idade 38, Timor-oan, hela iha aldeia 4 Setembro, Suku Komoro, Postu Administrativu Dom Aleixo, horiseik dadeer 11H00 ba konsulta iha Sentru Saúde Komoro ho sintomas isin manas ho I’is-bo’ot, no Matebian iha mós istória Diabetes, rapid antigen test ne’ebé halo iha Sentru Saúde Komoro hatudu rezultadu pozitivu.
Nune’e, Ekipa saúde iha Sentru Saúde Komoro konvense atu haruka ba halo tratamentu iha fatin izolamentu Vera-Cruz, maibé matebian ho familia rekuza no obriga-an fila ba uma, Hori kalan Xefi Sentru Saúde Komoro simu informasaun husi membru familia ida katak matebian i’is-kotu mais ou menus iha tuku 5 lorokraik. Familia la aseita atu halo funeral tuir protokolu ba Covid-19.
“Iha dia 29 de de 2021, izolamentu Vera-Cruz halo tratamentu ba kazu detetadu nain 38, Iha área obstetrisia nain 15, no iha medisina interna nain 21, pediatria 1, neonatolojia 1, sira nain 15 iha obstetrisia, kategoria leve (mild) hotu, husi sira nain 21 iha medisina interna, nain 9 grave (2 iha ICU uza CPAP, 7 uza oksijéniu), nain 12 moderadu, no kazu 1 iha pediatria, moderadu, Kazu 1iha neonatolojia, leve (mild),” dotor Rui remata.
Jornalista : Sandi Belo
Editór : Agapito de Deus
