Lafaek News—Relasiona ho konstrusaun edifísiu foun Polísia Nasional Timor-Leste (PNTL), Kaikoli governu notifika komunidade afetadu hamutuk 11 ne’ebe okupa area konstrusaun tenke muda ona durante loron 10, maibé advogadu konsidera notifikasaun ne’e hanesan aktu illegal.
Advogadu privadu Julio da Silva klarifika haree ba notifikasaun ne’ebe governu hatoo ba iha despezu administrativu nu’udar lei ida apropriasaun nu’udar mekanizmu ikus liu.
“Bainhira notifikasaun ne’ebe hato’o ba komunidade sira durante loron 10 atu hamamuk fatin ne’e nu’udar aktu ilegal tanba la tuir prosedimentu ne’ebe hatur iha lei propriasaun,” Advogadu Julio ba jornalista iha Aldeia 01 Sentru ba Unidade, Dili, Segunda 01/02/2021.
Advogadu e’e relata, iha situasaun ida ne’e signifika agora negosiasaun falla tuir lei propriasaun tenke lori ba Konsellu Ministru atu halo utilidade píbliku.
“Bainhira halo tiha utilidade publiku entaun benefisiaria sira atu hetan pose administrativu tanba ne’e sira tenke kumpre regra sira ne’e hotu,” nia rekomenda.
Nia esplika, sira kumpri hotu ona prosedimentu ne’e foin bele halo despeizu administrativu tanba ida ne’e mak regra ne’ebe hatuur ona apropriadu lei nù.8, lei ne’e prevalese.
“Bainhira priense ona rekezitu hotu parte ida ohin deklara sai ona katak halo negosiasaun maibe sei falla tanba la iha akordu ida entre ema afetada ho entidade benefisiária,” advogadu Julio afirma.
Jornalista : Orlando Magno
Editora : Nelya Barros
