SOSIÁL · 1 Feb 2021 11:06 ·

Komunidade Aldeia Hlalameta ho Tabulasi Laran Moras Governu Tanba Eletrisidade


Komunidade Aldeia Hlalameta ho Tabulasi Laran Moras Governu Tanba Eletrisidade Perbesar

AIleu-(Lafaek News)—Populasaun aldeia Hlalameta-Tabulasi suku Seloi-Kraik, postu administrativu Aileu Villa, munisípiu Aileu, sente laran moras ba governu tanba dezde okupasaun Indonézia too fali ohin Timor independénsia tinan-18 moris iha nakukun laran.

Lampu tradisional ne’ebe komunidade sira sunu iha tempu kalan. foto  Etel LN

Komunidade ida-idak husi uma kain ba uma kain kontinua utiliza lampu tradisionál husi kabas, kalen no mina rai sunu halakan iha tempu kalan iha oras haan no oras ba labarik sira estuda, hahú tuku 7:00 too tuku 10 :00 hamate ona lampu hodi deskansa.

Lampu tradisional ne’ebé komunidade sira halo kauza ba gastus kada semana teke sosa mina rai hodi fui ba kalen butir kratindain ne’ebé tau ona kabas ba laran hafoin sunu, bainhira sunu hosi kalan too loron tenke enxe nakonu, se iha uma laran uza lampu ne’e 3 too 4 gastus mina rai barak, nune’e aqua id abele sunu de’it  kalan lima tenke sosa fali.

Xefe suku Seloi-Kraik Gabriel Mendonça, hateten iha suku refere  iha aldeia hamutuk 10, aldeia 8 mak asesu ona ba eletrisidade no hela aldeia 2 seidauk asesu ba eletrisidade durante ukun an too agora, aldeia hirak ne’e hanesan Kasamou, Lio, Kolihoho, Talifurleu, Fatumane, Raekolefa, Faulara Tabulasi, Hlalameta, no Leubraudu, uma kain totál 549,  husi ne’e uma kain aldeia 8 ho totál uma kain 292 mak asesu ona eletrisidade, no 257  husi aldeia rua mak  seidauk asesu ba eletrisidade.

“Ha’u nia populasaun  balun iha ne’e seidauk sente  ukun-an ida-ne’e, mak aldeia Lalameta ho aldeia Tabulasi iha suku Seloi ida-ne’e, tanba eletrisidade ate a data seidauk lakan no sira uza de’it ahi oan hodi fo netik naroman komunidade sira ne’e,” dehan xefe suku ,Gabriel mendonca, ba jornalista Lafaek News iha nia kanar fatin seloi kraik, Aileu, foin lalais ne’e

Xefe suku ne’e afirma, situasaun ne’e afeta direta ba labrik sira ne’ebé eskola labele aprende didi’ak, tanba sira labele estuda iha tempu kalan liu-liu uma kain ne’ebé laiha osan atu sosa minarai.

“Iha aldeia rua ne’e preokupa tebes mós kona-ba estudante sia nia estudu iha tempu kalan   liuliu iha tempu exame, estuda la di’ak  tanba eletrisidade la iha, ita komapra valor sira nia valor kiik tebes  enttre estudante  ne’ebé asesu eletrisidade,”dehan xefe suku ne’e.

Xefe suku ne’e afirma, hahú nia mandatu husi 2016 mai to’o ohin nia esforsu ona  primeru iha suku mak eletrisidade ba aldeia 2 ne’e, maske hato’o  ona  proposta  ba parte  Obras Publiku, seidauk iha rezultadu,, tan ne’e hanesan xefe suku rekomenda ba governu solusiona problema eletrisidade ne’e ba iha OJE 2021.

Iha  Orsamentu jerál Estadu 2021 ne’ebé hetan ona aprovasaun husi Parlamentu Nasionál no promulga ona husi Prezidente Prepublika husi ministériu Obras Públika(MOP) hetan montante millaun $240,673,539.

 

Jornalista                   : Etelvina Sarmento

Asisténsia Editór       : Egidio Nono

1,472 Views
Artikel ini telah dibaca 45 kali

badge-check

Editor

Baca Lainnya

Semana Oin,  APC Distrbui Material Rekuperasaun Ba Familia Uma kain 302

26 February 2024 - 15:26

Avó Amelia : Idade La Sai Bareira Buka Osan  Prepara Oan Nia Futuru

22 January 2024 - 11:21

Sobrevivente Ilda Simu Ona Uma Husi CNC Ho Asosiasaun Vítima

22 January 2024 - 10:26

Triste Hafutar Uma-Kain Bendito Ho Alianca “ Oan Nain Nain Tolu Hakerek no Estuda Hosi Didin Lolon”  

16 January 2024 - 14:56

Albertina Ruak Fo Nesesidade Bázika Tulun  Ana Ho Oan Nain-3

21 December 2023 - 14:11

Ana Ho Oan Nain-Tolu Helik-An Iha Baraka Medida 4X2 Durante Tinan 7

19 December 2023 - 15:33

Trending di SOSIÁL