Glenu-(Lafaek News)–Negosiante Pop Mie merkadu tradisional suku Tokoluli postu administrativu Railaku, munisípiu Ermera husu ba governu liuhusi Ministériu Comérsu Indústria (MTCI) atu fasilita formasaun kulinária hodi promove produtu lokál ba hamenus negósiu produtu importasaun pop mie.
Negosiante ambulante Suku Tokoluli, Madalena de Deus, hateten ministériu turizmu Komérsiu Industriapresiza fasilita netik formasaun kulinária ba negosiante sira ne’ebé fa’an hahán iha Tokoluli atu bele iha koñesimenu oinsá promove ai-han produtu lokál.
“Atu hasa’e poténsia produtu lokál no hamenus produtu importasaun iha merkadu maka governu liu husi ministeriu turizmu komersiu industria tenke iha hanoin ida oinsá atu kapasita negosiante sira iha area kulinaria tein produtu lokal nian ,”dehan Negosiante ba Jornalista lafaek news iha, Tokoluli foin lalais ne’e.
Nia salienta, Ermera nu’udar munisípiu ne’ebé riku ho produtu lokál oin-oin hanesan Fehuk, Ai-farina, Kafé no seluk tán, negosiante refere hakarak fa’an, maibé produtu hirak ne’e la hetan rendimentu di’ak, iha fatin refere maske produtu hirak ne’e tein tasak ona, tanba laiha kompradór atu sosa.
“Ha’u hakarak fa’an produtu lokal iha fatin ne’e, maibé senti susar ituan, tanba maioria vizitante gosta liu mak han produtu ne’ebe instan hanesan Pop mie,” nia dehan.
Iha fatin hanesan vizitante Eliza Silva, haktuir katak, hahan ne’ebé mak fasil ba kompradór sira mak pop mie hanesan hahan importasaun ne’ebé mak hatoman ona kompradór sira fasil liu atu ema han wainhira ema ne’e hamlaha durante iha viajen ruma
“Ha’u sente maske pop mie nia valor saúde mai ita ema laiha no sei la fó nutrisaun di’ak mai ita konsumidór maibé pop mie só bele habosu ita nia kabun de’it durante hala’o viajen ruma no Pop mie mak produtu ai-han ida ne’ebè fasilita tebes ba ema atu konsumu,”tenik nia
Entretantu Silvinoda Silva, nu’udar pesoál saúde hatutan ,pop mie nia vantajen ba konsumidór nia saúde ne’e 0% no nia parte husu atu konsumidór sira labele konsumu bebeik pop mie,tanba pop mie ne’e rasik hakiak elementu kimiku barak
“Ha’u husu ba konsumidór sira atu labele konsumu bebeik pop mie tanba produtu refere hakiak element kimiku lubuk ida mak hanesan :lemak jenuh 33%, Kolestrol 0%, Protein 6%, Karbohidrat 7%, Seratpangan 7%, Gula 1g no Natrium 30%ne’e ita presiza hamenus hodi hodi promove no valoriza produtu lokál sira,”dehan doutor
Enkuantu to’o nutísia ne’e públika husi parte redasaun seidauk komfirma ministériu relevante relasiona ho asuntu refere.
Jornalista : Princess Silva
Asiténsia Editór : Egidio Nono
