Lafaek News- Prezidente Autoridade Rejiaun Administrative Espesiál Oekusi Ambenu (RAEOA), Arsénio Paixão Bano, afirma hodi garante katak Ró Haksolok sei mai hodi fó ksolok ba Timor-oan hotu, kuandu la mai prontu simu responsabilidade.
“Ró Haksolok ha’u hanoin sei mai, sei la’o di’ak hela, ha’u labele revela negosiasaun ne’e, ita boot sira hatene kuandu Ró Haksolok la mai ha’u maka bertanggun jawab,” Arsénio ba jornalista sira hafoin hasoru Primeiru Ministru Taur Matan Ruak, kinta (21/01) iha Palasu Governu.
Hatutan nia, prosesu hirak ne’e bele la’o ho di’ak presiza entidade hotu nia apoiu liuliu lideransa nasionál sira oinsá bele lori ró refere mai ita rain.
“Rezultadu ita boot sira hein, ha’u fiar katak governu sentrál i ha’u fiar lideransa Primeiru Ministru (Taur Matan Ruak) no hetan apoiu mós eis Primeiru Ministru (Dr. Mari Alkatiri), ita sei rezolve, tanba politik di’ak Ró Haksolok sei mai, ha’u labele hatete detallu, tanba negosiasaun ne’e labele ko’alia sai, no estratéjia ne’e labele ko’alia sai, ha’u kompriende ita boot (jornalista sira no povu) hakarak hatene,” nia hakotu.
Jornalista: Pedro de Almeida
Editór : Ezequias Tomás
