EKONOMIA · 22 Jan 2021 05:27 ·

Moris Ho Suku Sapatu, Mas Laiha Patraun Atu Manda


Moris Ho Suku Sapatu, Mas Laiha Patraun Atu Manda Perbesar

Lafaek News—Labele moe sai atan, labele moe tauk lakon dignidade, labele moe bainhira ema hewai, maibé tenke moe bainnhira etu bikan ida sosa la kotu no oan sira abandona futuru.

Teoria ida ne’e sai  prátika ba Teknomiata-oan ida ho naran Apolinario Ximenes idade 48, suku Samagia munisípiu Baukau, loke rasik servisu ba nia an liu husi suku sapatu iha stadium munispal Dili nia oin buka osan sustenta nesesidade iha familia uma laran.

Servisu ida ne’e halo kuaze tinan 19 hahú husi 2003-2021, tanba laiha patraun ida mak manda, servisu nia vontade rasik, xave importante mak espíritu badinas atu lor-loron hahú husi segunda semana dahuluk nian too domingu hodi suku sapatu ne’ebé ema uza nakles bele suku fila-fali aleinde troka mós sapatu nia sola okos, servisu ne’ebe di’ak liu mak kriasaun husi an rasik, tanba laiha patraun ida mak manda atu halo servisu maka’as.

“Loron ba loron ha’u obriga  hodi mai tur iha Estrada ninin parte Stadiun  loja xina faan Ai-funan oin hodi suku sapatu atu hetan rendimentu,  sustenta ba moris familia nian, no sustenta oan sira nia estudu,  dehan Apolinario Ximenes ba lafaek news iha loja fa’an Ai-funan oin parte Estadium kinta semana ne’e.

Apolinario hela iha Fatuhada dadersan antes  tuku 7:00, hein ona mikrolete hodi arranka ba nia tuur fatin stadium municipal nian oin hodi suku sapatu hirak ne’ebé kliente sira rai hela ba nia no sapatu foun ne’ebé ema lori ba nia, tuur iha tuku 8:30 too fali tuku 6 lorokraik hafoin fila uma Fatuhada.

Tuir nia istória sapatu ne’ebé Apolinario suku kada sapatu ida selu ho dolar 2, depende sapatu nia kondisaun at liu suku mós toos selu dolar 3, bainhira nia simu sapatu ne’ebé kondisaun at liu bele selu dolar dolar 5, dala ruma loron ida hetan dolar 15, maibé dala ruma mós laiha.

“Osan ne’ebe mak ha’u hetan ne’e rai hamutuk hodi sustenta familia no sustenta oan  nain 5 nia estudu,” dehan Apolinario.

Apolinario nia kaben Maria Ribeiro, oan nain 5, husi oan nain lima ne’e hala’o estudu iha Baukau, nain ida iha nivel Sekundaria, nain rua iha pre-sekundaria no nain rua iha ensinu básiku.

 Apolinario kada sapatu folin lahanesan, Suku sapatu ida babain ne’e kada par ida 2 dolar, no sepatu ne’ebe mak suku toos folin 3 dolar ba leten, tanba lem, daun, no kabas sosa de’it iha loja hafoin lori suku.

“Osan ne’ebé ha’u hetan husi suku sapatu ne’e, fulan-fulan haruk ba familia iha foho hodi jere sosa aihan, sosa kadernu ho ropa ba oan sira inklui selu mós eskola, importante aihan labele falta, oan sira nia futuru labele abandona, ” nia hakotu.

Jornalista   : Rita Moniz

Editora       : Nelya Barros

1,716 Views
Artikel ini telah dibaca 50 kali

badge-check

Editor

Baca Lainnya

Setor Rua Nudar Baze Ba Ekonomia Timor Leste

15 June 2024 - 17:58

Kompania Ida Husi Austrália Bele Produz Adubu orgániku Husi Popok Labarik Nian

14 June 2024 - 17:49

ILO Ho Tradelnvest  Haforsa Negosiu Nu’u Ba Coconut Oil Iha TL

23 May 2024 - 17:26

BUNDA Loke Servisu ba Komunidade Liu Husi Transforma Aihan Lokal ba Aihan Modernu   

26 April 2024 - 23:24

Traballadór Austrália Fulan 1 Manan $ 4.000 Too $ 5.000

26 April 2024 - 09:13

FJDE Apoiu EhD Dezenvolve Setor Kafe Uut Sirkula Ona Iha Merkadu Nasional

22 April 2024 - 15:52

Trending di EKONOMIA