Lafaek News—Koordenadór jestaun sistéma informasaun Fundu Dezenvolvimentu Kapital Humanu (FDCH), Henrique do Rosario, informa ho razaun Estadu Emerjénsia, pakote subsídiu ba estudante universitáriu sira iha rai-laran no rai-liur tenke submete proposta apoiu estudu via Email: fdch.pi@gmail.com.
Henrque relata Fundu Dezenvolvimentu kapitál umanu, ninia programa prinipal maka oinsá kapasita ba funsionáriu públiku no kapsitasaun jóven liu husi SEFOPE no pakote bolsu estudu.
“Programa bolsu estudu mai ho pakete mak hanesan bakote subsídiu individuais, bolsu estudu parsial no kompletu. Iha pakote pedidu individuais ida ne’ebé halo iha tinan ida ne’e loke ba públiku Timoroan Tomak iha rai-liur no rai-laran,” dehan Koordenadór jestaun sistéma informasaun FDCH Henrique do Rosario iha nia kna’ar fatin kolmera, kuita (21/01/2020)
Koordenadór hatutan, iha inisiu kada tinan sira sempre fó sai ba públiku relasiona ho pakote subsídiu apoiu estudu, maibé Ho razaun pandemia covid-19 sira labele simu ema barak liu iha edifísiu FDCH, tanba ne’e sira mai ho sistema online.
Pakote subsídiu ne’e la’os pakote rekuperasaun ekonomia nian, maibé ida ne’e ho objetivu atu fó apoiu ba estudante Timor-oan tomak nune’e bele hakmaan sira iha durante prosesu estudu.
“Kriteria ami fó sai ona iha ami nia pájina ofisial Fecebook. Apoiu ida ne’e nia kategoria ba diploma, S1, S2, S3 la hanesan no apoiu ne’e akontese ba estudante ida dala ida. Pur ezemplu tinan ida ne’e hetan ona apoiu tinan oin sei la hetan tan,” tenik nia
Kriteria ba aplikante finalista tenke submete nia valór transkripsaun akdémika husi semester primeiru to’o remata, tenek iha deklarasaun husi universidade katak sei ativu hela no hakerek karta deskrisaun orsamentu ne’ebé ho klaru no ekipa FDCH sei avalia. Tinan ida ne’e FDCH sei kole pakote ne’e ba fulan ida de’it.
“Atu hatene klaru, ami husu ba públiku atu bele vizita ami nia pájina ofisial Fecebook tanba informasaun kompletu ami públika iha ne’eba no submisaun proposta apoiu estudu bele manda ba Email: fdch.pi@gmail.com” rekomenda nia
Entretantu, kona-ba valór estudante kategorizadu, siensia sosiais valór IPK tenke 3 ba leten no siensia naturais valór IPK tenke 2.75, karik la liu ida ne’e signifika la pasa tanba iha ekipa de juri ho naran Komisaun avaliasaun proposta ba subsidiu iha para fó avaliasaun no tarjetu benefisiariu bele to’o mill i tan se karik loron ida simu 50 estudante ba to’o fulan ida.
Nia hakotu fundu ba pakote apoiu estudu ne’e fexibel, tan ne’e estimasaun osan seidauk define maibé ba kandidatu S1 ida simu $.500 no S2 simu $.750. Se loron ida mak estudante aplika hamutuk 50 pesoas aumenta ba 21 dias mais ou menus estimasaun bele atinje dollar rihun atus lima (500.000) resin.
Jornalista : Felisberto F. da Costa
Editora : Nelya Barros
