Lafaek news–Negosiante Eliza de Carvalho ho idade 58 husi aldeia Lihun-Tuto suku Aitutu postu administrativu Maubisse Munisípiu Ainaru, nesesidade obriga mai buka moris iha Dili maibé susar hetan hetan rendimentu ba produtu lokal nia ne’ebé kbiit laek nee faan iha Tasi-Tolu.

Produtu lokál ne’ebé Eliza faan mak hanesan aifuan abakati, aidila no kankung, tuur loron tomak sosa nain sira la besik hodi husu netik produtu ne’ebé nia folin, maibé pasiensia nafatin hodi tuur husi dadeer to lokraik fila ba uma.

 Ha’u mai fa’an sasán ne’e durante tinan 1999 mai to agora maibé sasán hirak ne’ebé ha’u rendimentu ki’ik liu dalaruma loron ida hetan 3.50centavos no dalaruma hetan de’it dólar 2$ hanesan ne’e no osan sira ne ha’u fila sosa fali ba sasán hirak ne’ebé ema lori husi Munisípiu mai hodi ha’u fa’an tutan fali.” Hateten eliza de carvalho ba Lafaeknews, iha merkadu Tasi tolu Terra santa suku Madohi

Entertantu sasán hirak ne’ebé nia fa’an nia sosa tutan fali husi ema seluk mak nx fa’an, sasán ne’ebé nia sosa husi ema seluk mak hanesan apokate modo no aidila sasán hirak ne nia sosa nia saku de’it no  saku ida ho folin dólar 5$ hanesan ne depois nia fa’an tutan fali, loron ida,nia hetan 3.50centavos no dalaruma mós nia hetan de’it dólar 2$ hanesan ne’e no sasan ne’ebé nia fa’an iha de’it estrada ibun, wainhira tarnsoporte sira movimentu ba mai  halo rai rahun suar, hodi fo ameasadu tebes ba nia saúde

Sasán ne’ebé mak ha’u fa’an hanesan abokate aidila modo no sasán hirak ne ha’u sosa tutan fali husi ema seluk ne’ebé lori husi Munisípiu mai sasán hirak ne’e ha’u sosa nia saku de’it saku ida ho folin dólar $.5 no ha’u fila hakna’uk fali ba folin sentavus 50 nia no loron ida ha’u bele hetan dolar 3.50 se lae dolar 2 de’it, hanesan ne’e de’it,” nia hateten

Nia informa sasán hirak ne’ebé nia fa’an osan nia la-rai tanba bainhira nia haree ema lori produtu lokal husi Munisípiu mai nia ba sosa tutan fali atu fa’an no sasán hirak ne’ebé ema la sosa mak rai kleur nia soe estraga iha lixu fatin no fa’an fali ida ne’ebé sei di’ak no fresku, maibé hetan rendimentu kiik liu.

Negosiante ne’e husu governu atu hapara total estadu emerjénsia, serka sanitária no konfinamentu obrigatoriu atu negosiante kiik sira bele livre buka moris iha sidade Dili no ba mos munisipiu seluk.

Estajiada  :Libania Maria

Editór       : Agapito de Deus