Lafaek News–Xefe grupu Agrikultor Manu-Bei João Lopes de Carvalho, sente preukupadu no arepende faan aihan lokal ba governu tanba to’o agora Centru Lojístika Nasionáál (CLN), la preokupa atu halo pagamentu ba sira.
Xefe suku Zulo no xefe grupu agrikultor postu administrativu Zumalai munisipiu Kovalima, hatoo iha loron Domingu horseik (24/10/2021) liu husi kontaktu telemovel ba Lafaek news, haktuir nia sentimentu tristeza tanba agrikultor sira presiza tebes osan atu sosa nesesidade uma laran, maibe governu liu husi CLN seidauk selu sira nia osan.
Agora ami sente arepende bainhira fan produtu lokal ba governu tanba sira promesa atu halo pagamentu mai ami iha semana rua nia laran maibe too agora CLN la preokupa halo pagamentu mai ami,” dehan João .
João konta, Momentu neeba ekipa CLN husi nasional hamutuk ho nia parseiru sira mai haree sira nia produtu no promete katak, atu halo pagamentu ba sira nia aihan nee too deit semana rua maibe husi fulan jullu ate agora sira (CLN) la sibuk hanesan lia la kona sira tanba seidauk selu grupu agrikultór balun nia hare (foos) ne’ebé hatama ona iha armajen Maliana.
Agora komunidade sira mai ezije fali ha’u, entaun ha’u atu uza saida mak selu sera ké husi CLN seidauk halo pagamentu mai ami, horisehik hau telefone direita ba Diretor Jerál CLN nasional hatan mai ha’u dehan fali, sira (CLN) la hatene ona kona-ba prosesu orsamentu nia tanba ami nia prosesu servisu konaba produtu lokal nian hotu ona,” João deklara.
Nia afirma, antes grupu Agrikultór atu hatama haree (foos) ba CLN nia armajen ekipa husi CLN halo uluk verifikasaun ba haree ne’e hodi haree kualidade di’ak ka lae? depois mak sira haruka grupu agrikultór lori ba hatama iha CLN Maliana.
Ekipa CLN halo tiha verifikasaun Ami atu ba CLN nia armajen iha Manatutu Natarbora maibe dook liu entaun ami grupu rua Onu-oan ho manu bei husi postu Zumalai reprezenta munisipiu Kovalima deside lori haree (foos) ba hatama iha CLN nia armajen Maliana Bobonaru.
Entretantu João Lopes haktuir, tuir CLN nia promesa halo pagamentu iha de’it semana rua no mos hare (foos rai) kada kilo ida sentavus 0.52 sira hamutuk nain 27 inklui ekipa husi Maliana no hare ne’ebé hatama ba CLN nia armajen iha Maliana hamutuk tonelada 6.666, maibé hirak ne’e Maliana nia hare mak barak liu.
Jornalista :Orlando Magno
Editór : Agapito de Deus
