Lafaek News—Misa Natal Kalan iha Parókia Nossa Senhora de Lourdes Ermera, Pe. Patrocíno da Cunha Nunes, iha nia omilia hateten selebrasaun natal ida ne’e ho objetivu atu memoriza fila-fali Jesus Cristo moris atu lori ema hotu ba hanoin paz no hakmatek iha ida-idak nia fuan.
“Selebrasaun natal ne’ebe ita halao dadaun ne’e atu hodi memoriza hikas eventu do amor husi nai maromak nian ba ita ema, ne’ebe akontese iha tinan rihun rua liu ba be-hatada iha palavra de deus ne’ebe enkarna an ba ita ema be’e realiza momos iha personal Jesus ne’ebe moris iha sidade David nian, lia sasin lulik ida ne’e haklaken liu husi anju sira nu’udar mensajen klsolok boot nai nian ba umanidade tomak bása nai liurai hotu nian moris no horik ona iha istória humanidade ita ema nian, bása nakukun selensioja rai nakaras,rai malirin no rai badiu sira hetan tiha ona ksolok naroman, Rohan laek ida ne’ebe mai hodi naroman tia ona situasaun hirak ne’e,no hakfilak tia mundo ida ne’e sai ksolok fatin nai nian,basa nai maromak revela tia ona nia planu ho prefeitamente iha misterio de inkarnasaun ita nai jesus nian, husi kristu nia moris sai nu’udar komprimentu promesa nai maromak nian nu’udar manifestasaun domin n ba humanidade tomak iha mundo rai-klaran ida ne’e,” Selebrante misa Pe. Patrocíno da Cunha Nunes ba jornalista Lafaek News, iha misa Natal Kalan Kuarta 25/12/2024.
Iha misa natal kalan sarani sira selebra festa nai maromak nia ho hakmatek iha ambiente paz no haksolok simu Nai Jesus Kristu ne’ebé Moris iha sidade David nian, nakfilak an ba ema atu orienta ema moris tuir nai maromak nia hakarak.
Observasaun Lafaek News iha misa Natal kalan ne’e, partisipasaun sarani párokia Nossa Senhora Lourdes Ermera másimu durante misa la’o ho hakmtaek tanba hetan partisipasaun masimu husi sarani parokia refere.
Jornalista Magan : Jonaida Corte Real
Editor : Agapito de Deus
