Lafaek News—Eventu boxing Tity Nizia ho Jony W harame otél hudi laran, adeptus sira kontente ho hamnasa haree sira nain rua expert tuku malu iha rin-leten hafoin ronde dahuluk Tity Nizia hamonu Joni W, harame tebes eventu ne’e ho asaun haksolok dame no orguillu
Maibe, Eventu ne’e parte komisaun kria deskontente no lansa diskriminasaun liu husi faan tikete ho folin ne’ebé as ($20) kada billete, nune’e adeptus sira lansa protesta maka’as tanba folin karun liu nune’e adeptus barak la biban atu tama iha laran hodi haree jogu ne’e.
Adeptus sira halo protesta maka’s too ikus konsege diskuite malu, tanba komisaun autoriza feto no labarik sira mak tama joven mane sira balun protes, nune’e Jony W ho Tity Nizia nia jogu besik hotu mk komisaun autoriza ema sira hamrik iha liur tama ba haree Joni ho Tyty niza nia jogu ikus.
Iha oras tuku 23:04 komisaun autoriza labarik kiik oan sira tama ba otél laran hodi haree, maibé komisaun bandu joven sira labele tama.
Iha jogu ne’e Tity Nizia konsege hamonu Jony ho tuku jeep kona kedan Jony W nia oin laran baku fila tun kedan palku laran.
Iha entrevista Tity Nizia husu komunidade MedSos atu labele ko’alia out hamonu (bulin) iha media social, tanba nia ho Jony W hatudu ona ba públiku katak sira rua mós bele.
“Ha’u husu ema hotu labele bulin de’it ema iha media social, brani hatudu hanesan ami rua Jony W hatudu iha palku leten,” dehan Tity Nizia hafoin eventu ne’e remata.
Bainhira Tity Nizia hakat sa’e ba Rin leten, Tity Nizia falun oin metin, ho razaun lakohi media foka sai nia oin
Iha Bilte ne’ebe komisaun faan ba públiku iha oras tuku 8: 00, folin 20 dolar, wainhira jogu hahú komisaun hatun fali ba 10 dolar, no tuir mai hatun tan ba 5 dólar no ikus liu 2 dólar, maibé hetan kritika ikus komisaun loke odamatan ema tama hotu no iha jogu ne partisipa, maibé fila hotu hela ema uitan de’it mak haree jogu Tity Nizia ho Jony W nian, komisaun faan Bilete ho folin 20 dólar ema barak la tama tanba komisaun la fo fatin.
Observassun Jornalista Lafaek News nota boxista hanesan Jony W la’o ain iha udan laran akompania ho nia ekipa ema na’in 4, no Titi Nizia falun Zaket ba oin la’o ain tama ba laran, adeputus ne’ebé tama ona iha laran haklalak no harame duni jogu refere.
Jornalista : Acacio Pinto
Editor : Agapito de Deus
