Lafaek News—Ministériu Turizmu Komérsiu no Indústria (MTKI) liu husi Diresaun Nasionál Mikro Pequenas Médiu Emprezas (DNMME),fasilita formasaun ba empreza Timor oan hodi bele haforsa tan koñesimentu kona-ba negosíu.
Diretur Nasionál Mikro Pequenas Mediu Empresas (DMPME-), Bernardino de Menezes, hateten programa MTKI hala’o iha loron Ida-ne’e hodi haforsa empresz sira hodi sai alvu ba sira nia negósiu ne’ebé máka durante ne’e sira iha.
“Programa foun ne’ebé maka MTKI hala’o máka programa negosíu sosiál ne’e atu haforsa mikro pequenas mediu empreza sira Tantu Sira ne’ebé maka foin atu hahú no mós ba Sira ne’ebé maka hahú tiha antes ona,” dehan Bernardino ba jornalista iha Knua Juventude Fila Liman (KJFL) Patéo Dili, segunda (08/02/2021).
Diretur ne’e reafirma, grupu alvu ba joven sira no ba defisiénte hodi hala’o negosíu sira ne’ebé governu rekomenda hodi haforsa joven sira ne’ebé kria kampu servisu ba nian an oinsá atu hetan kréditu liu-liu ba empreza sira ne’ebé eziste ho grupu no individu.
“Se máka hakarak aplai no asesu ba garante kréditu, bele priense rekezitu sira, ne’ebé governu tau osan iha banku atu haforsa Tan mikro pepenas mediu Empreza atu haburas tan sira nia atividade negosiu,” hatete Bernardino
Diretur ne’e salienta, orsamentu ne’ebé governu tau iha banku hodi aloka ba empreza sira atu kréditu ho montante $. 980.00 mill,atu empreza, negosiante no grupu individu sira bele asesu kréditu hodi bele moris iha rai laran.
Entretantu, emprezáriu ne’ebé partisipa iha formasaun refere kompostu husi grupu negosiante, individu inklui emprezáriu nasionál hamutuk besik 30.
Jornalista : Aniceto Dias
Asisténsia Editór : Egidio Nono
