SAÚDE · 8 Feb 2021 11:25 ·

MS-Koreia Esforsu Kombate Moras Tuberkoloze Iha TL


MS-Koreia Esforsu Kombate Moras Tuberkoloze Iha TL Perbesar

Lafaek News—Vise Ministru Saúde, Bonifacio Maucoli dos Reis afirma oitavu governu konstituisional liu husi Ministeriu Saúde (MS) kontinua tau prioridade kontra hasoru moras tuberkuloze  atu kombateiha Timor Leste.

“Hapara moras Tuberkoloze iha Timor-leste nu’udar parte prioridade VIII governu konstituisional no mós meta ida husi objetivu sustentavel, ne’ebé rekere implementasaun komprensivu no kombinadu ba intervensaun sosiu-ekonómika-kultural, tanba mukit, biomédika, saúde publika, peskiza no inovasaun,” esplika Vise MS, Bonifacio Maucoli dos Reis, iha nia diskursu, iha Novu Turizmu, Segunda, (8/02/2021).

Bonifacio relata, tuir peskiza balu relembra katak moras Tuberkoloze sai nafatin problema saúde públiku iha mundu inklui Timor Leste, ema tokon ba tokon maka mate no sofre tanba moras Tuberkoloze, no dadus hatudu katak taxa insidénsia Tuberkoloze  ba Timor-Leste, maka 498 no taxa mate mak  100 kada populasaun.

“Númeru ida ne’e konsidera aas liu iha rejiaun sudeste aziátiku, signifika kada loron ema nain 3-4 mak mate tanba tuberkoloze iha Timor-Leste, peskiza mós hatudu katak kauza tinan barak nia laran  besik porsentu 30-4, maka la konsegue deteta no sei kontinua hadaét iha komunidade tanba multifatorial, multideterminantes no kestoens transversais,” dehan Bonifacio.

Ho nune’e ministériu saúde hetan apoiu makas housi parseiru dezenvolvimentu sira husi fundu global ba programa TB hahu iha tinan 2005 no sei kontinua apoiu nafatin, alende ne’e mós housi KOICA ba faze dahuluk iha tinan 2013 ho montante UD$ 2.1 milloens hodi reforsa kapasidade diagnoza no konstrusaun ba laboratóriu bio- seguransa nivel tolu atu halo kultura no teste sensitividade ai-moruk Tuberkoloze.

Iha fatin hanesan, Embaxadór Korea iha Timor Leste, Kim Jeong-Ho, hatete governu Korea sei kontribui hodi luta hasoru Tubercoloze  no servisu hamutuk ho ministériu saúde liu husi projetu kapasitasaun ba diagnóstiku no manajementu TB ne’ebé da-daun ne’e la’o hela.

“Projetu etapa primeiru ne’ebé hala’o iha 2016 iha rezultadu bo’ot, primeiru, konsegue harii ona laboratoriu standard TB iha laboratoriu nasional Timor-leste, segundu, liu husi treinamentu no destaka profesionais TB husi korea ita melhoria ona TB test, kapasidade no manazementu ba professional saúde sira iha Timor Leste,” esplika embaixador Korea ne’e.

Hodi dehan, Iha etapa da-ruak ne’ebé halo ona iha 2019, sei konsentra iha area rua, primeiru hamutuk ho professional TB husi Korea, no segundu sei harii manajementu sistemátiku ida husi nivel báziku munisípal no sentru saúde sira iha munisípiu.

“Etapa da-ruak projetu ne’e sei remata iha 2024 ita espera bele hadia no hasa’e kapasidade prevensaun ba iha TB no manajementu iha Timor atu haforsa liután kapasidade  manajementu TB nasionál hodi nune’e ita bele servisu kombate  Tuberkoloze ihaTimor-leste,” nia hakotu.

Jornalista           : Sandi Belo

Asisten Editór    : Pedro de Almeida

1,339 Views
Artikel ini telah dibaca 19 kali

badge-check

Editor

Baca Lainnya

Sentru Saúde Lore-I Laiha Dotor Atu Atende Pasiente Inan Isin-rua 

6 June 2024 - 15:51

Kazu HIV/SIDA Sa’e ba 1996 Mate 300 ” Joven Kontrola An”

23 April 2024 - 18:43

UNICEF  Realiza Workshop Nasional Be’e Mo’os Saneamentu No Kuidadu Saúde

23 April 2024 - 09:53

Horta Rona Krítika, Vizita Kedan HNGV Hodi Observa Mákina Fase Ran

20 December 2023 - 16:07

Eventu Car Free Day importante ba Saúde no Ambiente

27 November 2023 - 01:15

MS Komemora Loron Mundiál Saúde Matan  

13 October 2023 - 17:42

Trending di SAÚDE