Lafaek News—Ministériu Solidaridade Sosiál no inkluzaun (MSSI), ho Ministériu Justisa (MJ) asina nota entendimetu hodi implementa programa asisténsia sosiál ba apoiu re-intrega eis prizioneiru sira hodi hadi’a ekonomia no-mos governu sei vizita família.
Ministra Solidariedade Sosiál no Inkluzaun (MSSI), Armanda Berta esplika objetivu prinsipál husi nota entendimentu ne’e nu’udar aktu legais ba parte rua MSSI-MJ diresaun nasionál servisu prizionais no re-insersaun sosiál husi minestériu justisa kona-ba programa asisténsia sosiál ba apoiu re-integrasaun eis-prizioneiru no sei vizita nia familia.
“Kuandu sira kumpri ona sira nia pena no livre husi sira nia responsabilidade, atu nune’e ita bele fó subsidiu uitoan ba sira para bele hadi’a sira nia moris vida ekonomia loro-loron ita sei fó $.200 dolar ba kada ema ida ba eis-prizioneiru hotu-hotu”, dehan Armanda Berta Dos Santos, ba jornalista sira hafoin asina akordu ho MJ iha MSSI Kaicoli,segunda, (8/02/21)
Iha fatin hanesan, Ministru Justisa (MJ) Manuel Cárceres, hateten nota entendimentu ne’e asina kona-ba prosesu re-insersaun ita nia hela fatin maibé prosesu ne’e naruk ida atu to’o ba iha liberdade totál ne’ebé tribunal hasai liuhusi prosesu re-insersaun sosiál
“Husi justisa nian ba atu haree kondisaun sira familia no vitima sira nia mentalidade, estudu piskolojia nian, maluk ne’e bele re-ientrega fila-fali ba komunidade ka lae, MSSI hakarak fó mós apoiu direta hetan vizita husi familia, ita nia maluk barak bele liu iha área remotas, sira nia familia dadur iha Dili, Glenu no Suai, ho parte ida-ne’e sosiál atu tulun vizita regular atu komunidade entre dadur ho nia familia ne’e labele kotu,” katak Ministru Justisa ne’e.
Governante ne’e fundamenta, fó asinante prepara sira bainhira sira fila bele muda mentalidade liu husi formasaun karpintaria no badaen fatuk nian no suku ropa, ida-ne’e parte sosiál prontu ajuda.
“Ministéiriu Justisa mós foin da-daun simu ekipamentu husi Japaun produsaun batako sira ne’e hotu ohin tama iha nota entendimentu, nune’e sira fila ba ho mentalidade foun skill foun atu bele kontinua moris iha familia nia le’et,” nia hakotu.
Jornalita : Etelvina Sarmento
Asisténsia Editór : Egidio Nono
