EKONOMIA · 26 Nov 2020 06:27 ·

MTCI-BNCTL Asina MoU Administra Kompania Jogu”mesin” Iha TL


MTCI-BNCTL Asina MoU Administra Kompania Jogu”mesin” Iha TL Perbesar

Lafaek News—Ministériu Komérsiu Indústria (MTCI), asina nota entendimentu ho  Banco Nasional Komérsiu Timor-Leste (BNCTL) hodi administra kompañia jogu “mesin” (sosiais no tradisionais) iha Timor-Leste kontribui reseita kofre estadu.

 “Ohin marka tan pasu  importante ida iha BNCTL nia istória no-mos iha jestaun jogu sira ne’ebé  iha Timor-Leste hodi formaliza jogu sira ne’e, maibé lo’loos ne’e akordu ne’e uluk iha ona setimu governu maibé uluk ne’e simples de’it fundu kontestionariu sira ne’ebé ke operador jogu sira ne’e tenke  tau hanesan garante para hodi sira bele halo jogu sira ne’e,” dehan diretór ezekutivu BCNT, Brígido Sousa ba jornalista sira hafoin asina nota entendimentu iha MTCI Bebora, kinta semana ne’e.

Brígido relata, uluk kompañia sira ne’ebé loke jogu mesin ne’e ninia osan rai iha banku seluk, hafoin iha diskusaun ida ente MTCI rasik iha sétimu governu muda tiha polítika, tanba iha indísiu balun hatudu hanesan balun laiha osan, maibé banku balun fasilita hodi halo estatutu bankaria, ne’ebé la loos falsifika estatutu bankária hodi mai MTCI fó lisensa, situasaun ne’e akontese iha tempu ne’eba.

Ho ida ne’e, ohin MTCI foti desizaun ne’ebé  importante tebes primeiru atu regula operadór jogu sira ne’e, no ida seluk mak osan ne’ebé konsege akumula fundu ne’ebé tau iha BNCTL, tan ne’e  hanesan garante  atu tuir mai ho osan refere bele fó kréditu fali ba ba komunidade en jerál.

Iha fatin hanesan, Ministru Komérsiu Indústria (MTCI), José Lucas do Carmo da Silva, hatete MTCI ko’alia ho BNCTL atu oinsá servisu hamutuk hodi jere kreatividade ne’ebé iha.

“Ita hakarak mós adianta admistrativamente ita ko’alia ho BNCTL atu oinsá atu hotu-hotu servisu hamutuk jere tok kreatividade ne’ebé ita halo hamosu jogu maibé osan it aba tau fali iha banku seluk, no ita nia kompania jogu sira tau osan iha banku ne’ebé ketak ketak, tanba ne’e ita hanoin katak, se di’ak liu tan ita tau hamutuk iha banku ida,”dehan ministru ne’e.

Governante ne’e salienta, ho forma ida-ne’e mak ohin loron hanoin katak ho konviksaun boot katak ba oin sei jere di’ak liután reseita ne’ebé kobre husi jogu mesin ka trasidionais no sosias, tanba ne’e kontribui atu barak ka uitoan, maibé ne’e kontribuisaun ida husi kompania jogu sira ba dezenvolvimentu nasionál.

 

Jornalista            : Egidio da C. T. Nono

Editora                : Nelya Barros

1,123 Views
Artikel ini telah dibaca 77 kali

badge-check

Editor

Baca Lainnya

Kandidatus 42.464 Pasa Vaga Online Austrália

18 July 2024 - 09:15

Setor Rua Nudar Baze Ba Ekonomia Timor Leste

15 June 2024 - 17:58

Kompania Ida Husi Austrália Bele Produz Adubu orgániku Husi Popok Labarik Nian

14 June 2024 - 17:49

ILO Ho Tradelnvest  Haforsa Negosiu Nu’u Ba Coconut Oil Iha TL

23 May 2024 - 17:26

BUNDA Loke Servisu ba Komunidade Liu Husi Transforma Aihan Lokal ba Aihan Modernu   

26 April 2024 - 23:24

Traballadór Austrália Fulan 1 Manan $ 4.000 Too $ 5.000

26 April 2024 - 09:13

Trending di EKONOMIA